5-rasm. Qattiq jelatina kapsulaga joylangan "Olicard-40"- retard mikrodrajelari
Dori moddalarning mikrokasulalarini hosil qilish uchun ko‘pincha mumli moddalar ishlatiladi. Misol sifatida Omitoks (omeprazol saqlovchi), Olfen (diklofenak natriy saqlovchi), Mikalit (karbonat litiy saqlovchi) spansula shaklidagi preparatlarni keltirish mumkin.
Spansulalarning boshqa ko‘rinishi – bu medulalar.
Medula – turli qalinlikdagi polimer parda qobiq (malein kislotasi va stearin aralashmasi) bilan qoplangan mikrokapsulalar to‘ldirilgan qattiq qopqoqli jelatina kapsula; ushbu mikrokapsulalardan dori modda butun oshqozon-ichak tarmog‘ida turli pH muhitda qobiq erishi bilan ajralib chiqadi va ta’siri uzaytiriladi.
Strukturali tabletkalar
Retard turdagi tabletkalar. Bu turdagi tabletkalar o‘z tarkibida ta’sir etuvchi moddaning bir sutkali miqdorni saqlaydi va uni asta sekinlik bilan ajratib chiqarishga mo‘ljallangan.
B u tabletkalarda ta’sir etuvchi moddalar mikrokapsulalangan yoki qobiqlangan mikrodraje holda, ya’ni har bir modda zarrachasi yupqa polimer qobiq bilan qoplangan bo‘ladi.
6-rasm. Nitroglitserin mikrokapsulalaridan
tayyorlangan Nitrong-forte tabletkalari.
Qoplangan polimer qobig‘ining tabiatiga qarab, bunday tabletkalar ma’lum pH sharoitida, yoki diffuziya, ion almashuv, qobig‘i yorilish hisobiga, belgilangan vaqtda mobaynida erish xususiyatiga ega. Qobiqlangan mikrokapsula yoki mikrodrajelar tabletka shaklda presslanadi, presslash vaqtida qobiqlar buzilmasligi uchun yordamchi modda sifatida yog‘li moddalar ham qo‘shiladi (masalan, vazelin moyi, parafin va b.).
Retard turdagi tabletkalar oshqozon ichak yo‘lidan o‘tib 16-18 soat mobaynida to‘liq erib ketadi, lekin ularning ta’sir kuchi 1 sutkaga etish mumkin. Misol sifatida nitrong (nitroglitserin mikrokapsulalaridan tayyorlangan), Gemiton-retard, Mirenil-retard, Sonopaks-retard, Kvilinorm-retard tabletkalarini keltirish mumkin.
|
