|
Mahsulotni ishlab chiqaruvchidan iste’molchiga etkazish jarayonida bir necha protseduralar amalga oshiriladi
|
| bet | 8/48 | | Sana | 18.11.2023 | | Hajmi | 3,61 Mb. | | #100867 |
Bog'liq TL Uslubiy kursatma UZBMahsulotni ishlab chiqaruvchidan iste’molchiga etkazish jarayonida bir necha protseduralar amalga oshiriladi:
Bozorni marketing nuqtai-nazaridan tadqiq etish.
Sotishni rag‘batlantirish bo‘yicha reklama va axborot faoliyatini yuritish.
Salohiyatli xaridorlarni aniqlash.
Salohiyatli xaridorlar bilan muzokaralar yuritish va zaruriy hujjatlarni rasmiylashtirish.
Tovar oqimlarini harakatga keltirish, jumladan tashish va omborxonalarda saqlash ishlarini amalga oshirish.
Mahsulot harakatini mumkin bo‘lgan moliyaviy risklarni inobatga olgan holda moliyalash.
Taqsimot kanali deganda ishlab chiqaruvchidan iste’molchigacha bo‘lgan yo‘lda mahsulotni bir-biriga uzatuvchi tashkilotlar yoki alohida shaxslar qatori tushuniladi. Bunda mahsulot faqatgina qo‘ldan-qo‘lga o‘tib qolmay, balki unga egalik huquqi ham o‘tadi. Demak, mahsulotning o‘ziga xos oldi-sottisi bir necha marotaba qaytariladi, faqat so‘nggi ishtirokchigina uni iste’mol uchun sotib oladi, qolgan vositachilar uni sotish uchun xarid qilishadi. Quyida taqsimot kanalining namunaviy ko‘rinishi keltirlmoqda
T
aqsimot kanalining namunaviy ko‘rinishi
YUqorida keltirilganlarga asosan taqsimotning logistik kanaliga quyidagicha tarif berish mumkin, ya’ni taqsimotning logistik kanali – bu tovarni ishlab chiqaruvchidan iste’molchi yo‘nalishidagi harakati jarayonida ishtirok etuvchi mustaqil yuridik yoki jismoniy shaxslar yig‘indisidir. Bu mahsulotlarning oldi-sottisi jarayonida ishtirok etuvchi kompaniyalar o‘rtasidagi xo‘jalik aloqlari tizimidir.
SHuni alohida ta’kidlash joizki, taqsimot kanalaining barcha ishtirokchilari ham xo‘jalik aloqalarida bir xilda qatnashib, bundan bir xilda foyda ko‘rishmaydi. SHuning uchun ham kanalning asosiy va ixtisoslashgan ishtirokchilarini ajratishadi.
Kanalning asosiy ishtirokchisi – bu zahiralarga egalik qilish yoki moliyaviy riskning boshqa shakllari bilan bog‘liq mas’uliyatni o‘z bo‘yniga oluvchi kompaniyadir. (ishlab chiqarish, qishloq xo‘jaligi, sanoat, ulgurji savdo, chakana savdo). Kanalning ixtisoslashgan ishtirokchisi – bu ma’lum bir rag‘bat evaziga asosiy ishtirokchiga maxsus xizmatlarni ko‘rsatuvchi kompaniya (tashish, omboxona xo‘jaligi, moliyaviy xizmatlar, axborot xizmatlari, reklama va h.k.).
|
| |
