7
SÖZBAŞY
Garaşsyz, baky Bitarap Türkmenistan döwletimizde geljegimiz bolan
ýaşlaryň dünýäniň iň ösen talaplaryna laýyk gelýän derejede bilim almagy üçin
ähli işler edilýär.
Hormatly Prezidentimiz döwlet başyna geçen ilkinji gününden bilime, ylma
giň ýol açdy, Türkmenistan ýurdumyzda milli bilim ulgamyny kämilleşdirmek
boýunça düýpli özgertmeler geçirmäge girişdi.
Türkmenistanyň
Prezidenti
Gurbanguly
Berdimuhamedowyň
“Türkmenistanda bilim ulgamyny kämilleşdirmek hakynda” 2007-nji ýylyň 15-
nji fewralyndaky Permany bilin ulgamyndaky döwrebap özgertmeler ýaş nesliň
ýokary derejede bilim almagyna we terbiýelenmegine, giň dünýägaraýyşly,
edep-terbiýeli, tämiz ahlakly, kämil hünärmenler bolup ýetişmeklerine uly
ýardam edýär. Okuw kitaby Täze Galkynyş we Beýik özgertmeler zamanasynda
ýokary bilimli hünärmenleri taýýarmaklyga bildirilýän talaplary göz öňünde
tutup taýýarlanyldy
Surat ýokary binagärçilik mekdebinde esasy ders bolup durýar, ol birnäçe
wezipeleri ýerine ýetirýär, olarsyz häzirki döwürde doly derejeli binagärçilik
hünärmenini taýýarlamak mümkin däl. Binagäriň kär döredijiliginde ilkinji
ähmiýete – ýokary ösüşli göwrüm-giňişleýin we çeperçilik-kompozision
düşünjesi eýedir. „Surat“ dersiniň serişeleriniň kömegi bilen şol düşünjäniň
ösüşiniň prosessi bir toplumda bolup geçýär, binagärçilik taslamasy, sungatlaryň
we binagärçiligiň taryhy, çyzuwly geometriýa, suratçylyk, heýkeltaraşlyk we
başgalar ýaly dersler bilen ýakyn aragatnaşykda.
Binagärçilik mekdebinde okatmagyň baş we ahyrky maksady –
umumy
çeperçilik medeniýetiň ösüşinden, binagärçilik nusgalary we giňişligi düşünmek
we şekillendirmek, daşky töweregi hakykatdan we hyýaly şekillendirmekden
durýar.
Surat – bu Binagär üçin esasy dildir, ýa-da başgaça aýdanymyzda, binagär
öz pikirini diňe suratyň üsti bilen düşündirip biler. „Surat“ dersiniň ilkinji
sapagy-giriş söhbedinden başlanýar. Giriş söhbedinden ussat suratkeşleriň işleri
we görkezme esbaplar kömek edip biler.
Suratkeş, binagär, heýkeltaraşçy üçin ilkinji sapak geometrik şekilden
başlanýar. Suratkeşçiň surat işi binagäriňkiden has tapawutly bolup biler.
Talyplar şekiliň gurnaýyş meselesini giňişlikdäki görnüşini, şekiliň ýagty-kölege
şöhlenmesini, gurnama – prinsiplerini, perspektiwa kanunlary bilen tanyşýarlar.
8
Talyplaryň alan bilimlerini berkitmeleri we özbaşdak işlemek endiklerini
ösdürmek üçin, olara ähli geçilen temalaryň bölümlerine degişli suratlary
alboma, grafiki tehnikasynda ýerine ýetirmeklerini tabşyrylýar.
Bu bolsa
talyplaryň ýatkeşligini, grafiki tehnikasynda özleşdirmeklige itergi berýär.
Okuw-terbiýeçilik işleriň netijeligini ýokarlandyrmak, talyplaryň okuw
materiallaryny üstünlikli özleşdirmeklerini gazanmak we olaryň pikirleniş
ukyplaryny ösdürmek hem-de döredijilik işjeňligini artdyrmak üçin umumy we
amaly okuw sapaklarynda okatmagyň dürli usullary ullanylýar.
Şu okuw kitaby ýokary okuw mekdepleriniň binagärlik hünärli üçin
niýetlenilendir.
