|
Turon zarmed universiteti
|
| bet | 68/89 | | Sana | 19.02.2024 | | Hajmi | 458,85 Kb. | | #158634 |
Bog'liq “tasdiqlayman” O‘quv ishlari bo‘yicha prorektor-fayllar.orgNazorat uchun savollari
1. O'quv va malakaviy pedagogik amaliyotni tashkil etish va o'tkazishda maktabgacha pedagogika turkum fanining imkoniyatlari.
2. O'quv amaliyotni tashkil etish va o'tkazishni jadallashtirish texnologiyasi.
3. Malakaviy pedagogik amaliyotni tashkil etish va o'tkazish texnologiyasi.
4. Pedagogik amaliyot jarayonida qanday vazifalar hal qilinadi.
5. Talaba pedagogik amaliyot davrida qanday pedagogik ko'nikma va malakalarni egallashi zarur.
SEMINAR MASHG’ULOTLARI
1-Mavzu: Maktabgacha ta’limda metodika fanlarini o’qitish jarayoni yaxlit tizim sifatida
Reja:
1. Maktabgacha ta’limda metodika fanlarini o‘qitish texnologiyasi fanining predmeti va vazifalari.
2.Maktabgacha ta’limda metodika fanlarini o‘qitish jarayoni yaxlit tizim sifatida.
3.Maktabgacha metodika fanlarini o‘qitish texnologiyasi fanining qonuniyatlari.
Maktabgacha ta’limda metodika fanlari-maktabgacha ta’lim yoshidagi bolalarni tarbiyalash, ularni intellektual, ma’naviy-axloqiy va jismoniy jihatdan kamolotga yetkazish masalalarini o'rganadi. Shuningdek maktabgacha yoshdagi bolalarga ta’lim-tarbiya berish va ularda ahloqiy fazilatlarni shakllantirish va ularni maktab ta’limiga tayyorlash muammolarini o'rganadi.
Maktabgacha ta’limda metodika fanlari bola shaxsini rivojlantirishning ikki muhim jihati - unga ta’lim berish va uni tarbiyalashga asosiy e’tiborni qaratadi.
Maktabgacha ta’limda metodika fanlari - ta ’lim jarayoni mazmuni, shakl, metod, vosita va usullari, uni tashkil etish muammolarini o'rganadi.
Maktabgacha ta’limda metodika fanlarini o‘qitish texnologiyasi fanining vazifalari. Maktabgacha ta’limda metodika fanlarini o'qitish texnologiyasi fani shaxsni shakllantirishdek ijtimoiy buyurtmani bajarish asosida jamiyat taraqqiyotini ta’minlashga alohida hissa qo'shadi. Maktabgacha pedagogika fanlarini o'qitish metodikasi fanini maqsadi va vazifalarining belgilanishida ijtimoiy munosabatlar mazmuni, davlat va jamiyat qurilishi, uning hayotida yetakchi o'rin tutuvchi g'oyalar mohiyati muhim ahamiyatga ega.
O'zbekiston Respublikasida demokratik, insonparvar hamda huquqiy jamiyatni barpо etish sharoitida mazkur fan yuksak ma’naviy va axloqiy talablarga javob beruvchi yuqori malakali kadrni tarbiyalash tizimini ishlab chiqish, ta’lim va tarbiya berish jarayonini nazariyasini ijodiy rivojlantirish vazifasini hal etadi. Mazkur jarayonda quyidagi vazifalarni bajarishga e’tibor qaratiladi:
1.Ma’naviy va axloqiy talablarga javob beruvchi shaxsni tarbiyalashga yo'naltirilgan pedagogik jarayonning mohiyatini o'rganish.
2.Shaxsni har tomonlama kamol toptirish qonuniyatlarini aniqlash.
3.Ijtimoiy taraqqiyot darajasidan kelib chiqqan holda, rivojlangan xorijiy mamlakatlar maktabgacha ta’lim tizimi tajribasini o'rganish asosida maktabgacha ta’lim tizimini takomillashtirish.
4.Maktabgacha ta’lim tashkilotlari hamda, ularda faoliyat olib borayotgan pedagoglar faoliyati mazmunini asoslash.
5.Maktabgacha ta’limdagi ilg'or pedagogik tajribalarni umumlashtirish va amaliyotga joriy etish.
6.Bo‘lg‘usi tarbiyachlarni maktabgacha ta’limda metodika fanlarini o'qitish texnologiyasiga oid bilimlar hamda ta’lim-tarbiya berish usullari bilan qurollantirish.
|
| |
