|
Uncertaint y
| | bet | 55/83 | | Sana | 23.01.2024 | | Hajmi | 5,5 Mb. | | #144225 |
Bog'liq Anıq emes ólshewlerPretsizionlıq
Kolba kólemi
kalibrlaw
Temperatura
Anıqsızlıq
Táreziniń sızıqlı emesligi
Zattıń tazalıq dárejesi
4.3.1 – súwret. Standart eritpeni tayarlawda anıqsızlıq derekleri diagramması
Anıqsızlıq derekleri bolıp tómendegiler xizmet qılıwı múmkin:
1) kólemdi ólshewde: ólshew ıdısın kalibrovkası, kólemdi ólshew sharayıtı;
2) tárezide tartıwda: tárezinıń sızıqlı emesligi, zattıń tazalıq dárejesi;
3) pretsizionlıq .
Usı mısaldaǵı eritpe kólemine temperatura tásirin analiz eteyik. Bunda temperatura bir waqıttıń ózinde shisha kolbaǵa hám onıń ishindegi eritpege tásir etedi. Biraq temperaturanıń eritpe (yakı birpara suyıqlıq) qa bolǵan tásiri, shisha kolbaǵa bolǵan tásirine salıstırǵanda sezilerli dárejede úlken bolıwı múmkin. Sonıń ushın laboratoriya jaǵdayında anıqsızlıq dereki retinde temperaturanı suyıqlıqqa bolǵan tásirin bahalaw jeterli esaplanadı.
Т2
Temperaturanıń shisha kolbaǵa taʼsiri
(Т1)
Taʼsiri bahalanbaydı
Taʼsiri bahalanadı
Temperaturanıń shisha kolbanıń ishindegi suyıqlıqqa taʼsiri (Т2)
|
4.3.2 –súwret. Ólshew ıdısi hám onıń ishindegi suyıqlıqqa temperatura tásiri
|
Sol menen birge joqarı anıqlıq talap qılıwshı tarawlarda, tiykarınan farmatsevtika, mikro hám nanotexnologiyalar hám basqa tarawlarda temperaturanı bar obyektke bolǵan tásirin analiz qılıw hám bahalaw talap qılınıwı múmkin. Ulıwma alǵanda, anıqsızlıq dereklerin tiykarǵı hám ekilemshi faktorlarǵa ajıratıw, xarakterlew birinshi náwbette talap qılınıp atırǵan anıqlıq dárejesine baylanıslı esaplanadı. Tómendegi 4.3.2 – súwrette temperaturanı kolba hám onıń ishindegi suyıqlıqqa tásiri grafik ráwishte súwretlengen.
Anıqsızlıq derekleri dúzilgeninen keyin olardıń nátiyjege tásirin ólshewdiń modeli retinde beriw múmkin bolıp, bunda hár bir tásir bir qansha parametrler menen baylanǵan yakı teńlemedegi ózgeriwshi bolıwı múmkin. Bunday teńleme ólshew procesinıń tolıq modelin nátiyjege tásir qılıwshı jeke faktorlar menen ańlatılǵan boladı. Bul funktsiya arasında júdá qıyın bolıwı múmkin hám onı ayqın xarakterlew imkanı joqlıǵın itibarǵa alıw kerek. Biraq bunıń imkanı bar jaǵdaylarda anıqsızlıqtı jeke payda qılıwshılar jıyındısın tabıwda paydalanıw múmkin boladı.
Ólshewler anıqsızlıǵı derekleri hár túrlılıǵı tómendegilerdi qamtıp aladı:
- ólshenip atırǵan shamanıń bir boólegi anıqlanıwı;
- ólshenip atırǵan shamanı anıqlawdıń jetilispegen realizatsiya qılınıwı;
- tańlawdıń prezentativ emesligi ;
- ólshew nátiyjesine tásir qılıwshı qorshaǵan-ortalıq tásirin anıq bilmew yakı usı sharayıtlardı kórsetetuǵın shamalardı anıq emes ólshew;
- subyektiv úzlıqsiz qátelıq (máselen, analogli asbaplardı kórsetiwin jazıp alıwda, esaplawlarda, uluwmalastırıw qaǵıydalarına ámel qilmaǵanda hám t.b.);
- úskeneniń sezgirlik bosaǵası;
- etalon hám standart úlgilernıń durıs emes mánisleri;
- maǵluwmatlardı qayta islewde paydalanılatuǵın sırtqı dereklerden alınatuǵın fundamental fizik konstantalar yakı basqa parametrlerdi mánisin anıq bilmew;
- ólshewlerdiń ózgermes shárayıtlarında qaytaldan baqlawlardıń ózgeriwshenligi;
- ólshew usılı hám metodikasında qollanılıp atırǵan approksimatsiya hám b.
Mısal 2
Máselen - polattan islenip nominal uzınlıǵı 1 m bolǵan sterjinnıń uzunlıǵın mikrometrge shekem anıqlıqta anıqlaw kerek. Ólshew procesi menen baylanıslı xarakteristikada sterjennıń uzınlıǵına tásir qılıwı múmkin bolǵan shamalardıń anıq mánisleri itibarǵa alınıwı kerek, Máselen: ólshew ámeli alıp barılıp atırǵan qorshaǵan ortalıq temperatura, atmosfera basımı, sondayaq sterjennıń tekislıqte jaylasqan (vertikal yakı gorizontal) jaǵdayı. Demek, ólshenip atırǵan shamanıń anıqlamasın dúziwden aldın joqarıda sanap ótilgen shamalardıń tásir dárejesin bahalaw zárúrdir. Sonday etip, ólshenip atırǵan shamanı tómendegishe xarakterlew zárúr eken, Máselen: 25,00 °S temperaturadaǵı sterjennıń uzınlıǵı.
Egerde sterjennıń uzınlıǵı millimetr-ge shekem anıqlıqta anıqlanıwı talap qılınatuǵın bolsa, ol jaǵdayda onıń anıqlaması temperatura, atmosfera basımı yakı ulıwma sırtqı tásir faktorların itibarga alıwdı talap etpeydi.
|
| |
