33
baslang’ısh h’a’m ulıwma bilim beretugın orta mekteplerinde oqıtıw turmıs penen
baylanısqan h’alda alıp barıla basladı. Sol sebep mektep geografiya sabaqlıqları
qayta islenip shıg’ıldı h’a’m baspadan shıg’arıldı. Na’tiyjede ayırım kurslar eki jıl
oqıtılatug’ın boldı. Ma’selen: materikleri ta’biyiy geografiyası VI h’a’m VII
klasslarda u’yreniletug’ın boldı. Oqıtıw metodikası boyınsha
birneshe qollanbalar
baspadan shıqtı: N.F.Kurazovtın’ «Geografiya oqıtıw metodikası» (1952 j),
V.P.Dubanovtın’ «Ta’biyiy geografiyanı oqıtıw metodikası» h’a’m t.b.
Geografiya ta’limin qa’liplestiriwshi da’wir
. 1966-jıl 10-noyabrde
«Ulıwma bilim beretug’ın orta mekteplerdin’ jumısın ja’ne de jaqsılaw ilajları
h’aqqında» ma’mleket qararı qabıl etildi. Qararg’a muwapıq geografiya ta’limin
jaqsılaw boyınsha komissiya du’zilip, mektep geografiya kursların
klasslar
boyınsha bo’listirildi.
O’zbekstanda geografiya oqıtıw metodikası tarawında XX a’sirdin’ aqırı
h’a’m g’a’rezsizlik jıllarında ko’plegen alımlar jetilisip shıqtı. Geografiyanı oqıtıw
metodikası tarawında O.Muminov, H.Vaxobov, R.Qurbonniёzov, P.Musaev,
M.Nabixonov, P.G’ulomov, G’.Pardaev h’a’m basqalar u’lken jumıslardı a’melge
asırdı.
Ulıwma bilim beretug’ın orta mektepleri ushın sabaqlıq h’a’m oqıw
qollanbaları N.Dolimov, O.Muminov, P.Musaev, P.G’ulomov, X.Vaxobov,
A.Qayumov, P.Baratov, M.Mamatqulov, A.Abdulqosimov, R.Qurbonniёzov,
A.Soatov h’a’m basqalardın’ xızmeti u’lken.
Joqarı oqıw orınları ushın sabaqlıq h’a’m oqıw qollanbalar P.Baratov,
X.Vaxobov, M.Mamatqulov, A.Rafikov, G.Asanov, M.Nabixonov, İ.Safarov,
G’.Pardaev h’a’m basqalar ta’repinen jaratılg’an.
