|
Evristikalıq sa’wbetlesiw metodıBog'liq Vaxabov X, Gaypova R, Tursinov M. Geografiyanı oqıtıw metodikası
Evristikalıq sa’wbetlesiw metodı.
Bunda tiykarg’ı itibar oqıwshılardı
ko’birek o’z betinshe bilim alıwg’a, o’z u’stinde islewge u’yretiwden ibarat.
Kartinalar, h’a’r tu’rli h’u’jjetler, qurallar tiykarında ma’seleler h’a’m sorawlar
oqıwshılar dıqqatına usınıladı.
Bunday usılda oqıtıw, ko’binese AQSh, Ullı Britaniya, Jan’a Zelandiya,
Batıs Evropa ma’mleketlerinde ken’ tarqalg’an.
Tarqatpa kartochkalar usılında h’a’r tu’rli sızılmalar, kesteler, kartalar h’a’r
tu’rli qa’teliklerge jol qoyılıp du’ziledi h’a’m tarqatıladı, oqıwshılar jol qoyılg’an
sol qa’telerdi o’z betinshe tabıwları talap etiledi. Ha’r tu’rli mısallar h’a’m
ma’selelerdi sheshiw oqıwshılardın’ sabaqqa bolg’an qızıg’ıwshılıqların
asıratug’ın bolg’anlıg’ı sebepli olardan ken’ qollanıladı.Sonın’ menen birge
oqıwshılarda isbilermenlik, shaqqanlıq pazıyletlerin qa’liplestiriw ushın da
ko’birek mısallar h’a’m ma’selelerden paydalanıladı. Tayar o’nimdi qay jerde
satıwda transport qa’rejetlerin anıqlaw, miynet resurslarınan o’nimli paydalanıw
sıyaqlı mısal h’a’m ma’seleler sheshimisiz a’melge aspaydı.
Statistikalıq derekler menen islesiw, kartografiyalıq qollanbalardan
paydalanıw, matematikalıq modellestiriw ken’ tarqalg’an oqıtıw usılları
esaplanadı. A’sirese diskussiya, tartısıwlar rawajlang’an ma’mleketler geografiya
ta’liminde ken’ tarqalg’an.
SORAW HA’M TAPSIRMALAR
1. A’yyemgi ma’mleketlerde qaysı alımlar geografiya pa’nin h’a’m oqıtıw
metodikasının’ rawajlandırıwg’a u’lken u’les qosqan?
2. Orta a’sirlerde geografiyanı h’a’m metodikanın’ rawajlanıwına u’lken
u’les qosqan alımlardı aytıp berin’.
3. İlimiy geografiyalıq izertlewler da’wirinde oqıtıw metodikası boyınsha
qanday sabaqlıqlar jaratılg’an?
4.Oberlender geografiya metodikasında qanday metodlarg’a ajıratılg’an?
5. XX a’sirde shet ellerdin’ qaysı ma’mleketlerinde geografiya ta’limi jaqsı
rawajlang’an?
|
| |
