50
tiykarg’ı wazıypa belgili bir tema boyınsha mashqalalı sorawlar yaki tapsırmalar
sistemasın islep shıg’ıw h’a’m onı oqıwshılarg’a tu’sindiriw. Ma’selen, releftin’
qa’liplesiwi h’a’m rawajlanıwı, atmosfera jawın-shashınlarının’ payda bolıwı: awıl
xojalıg’ının’ ta’biyat zonaları boyınsha qaniygelesiwi, sanaat tarmaqlarının’
jaylasıwı h’.t.b.
Modul texnologiyası-
geografiya ta’liminde endi rawajlanbaqta. Sabaqlıq
bo’limlerge, ayırım temalar modullerge bo’linedi. Ha’r bir modulde a’lbette
oqıwshılardın’ iyelewi kerek bolg’an bilimler sisteması anıqlanadı. Ma’selen:
geografiyalıq koordinatalar temasın to’mendegi modullerge bo’liwimiz mu’mkin:
ekvator, bas meridian, paralleller, meridianlar, da’reje torı, geografiyalıq uzınlıq,
geografiyalıq koordinatalar. Bunda oqıwshılar ushın za’ru’r bolg’an bilimlerge
parallel, meridian, ken’lik, uzınlıq, geografiyalıq koordinatalar kiredi. Bul
texnologiyanı geografiya predmetlerinin’ h’a’mmesinde qollanıw mu’mkin. Bul
texnologiya oqıtıwshının’ oqıwshılar menen birgeliktegi do’retiwshiligin
jen’illestiredi h’a’m jedellestiredi.
