51
shıg’ıw, oqıwshılar yaki talabalar ortasındag’ı sho’lkemlestiriwdi talap etiledi.
Geografiya predmetlerin u’yreniwde bul usıldan paydalanıw mu’mkin. Ma’selen:
«Aral ten’izin qutqarıp qalıw mu’mkinbe?», «Qazaqstan jazıq tawları ornında
Gimalay tawları bolsa, Orta Aziya klimatı qanday boladı», «Qanday topıraqlar
o’nimdar h’a’m ne ushın?», «Arqa Atlantika jıllı ag’ısı bolmasa, Evropa klimatı
qanday bolar edi» h’a’m t.b.
Bunnan
basqa reyting, rawajlandırıwshı, shaxsqa bag’darlang’an, avtorlıq,
didaktikalıq, logikalıq, tayanısh, konspektler h’a’m basqa da texnologiyalar bar.
Ta’lim texnologiyalarının’ ko’pshilik bo’legi geografiya ta’liminde aldınnan
oqıtıw metodikası sıpatında qollanıp kelingen. Metodika menen texnologiya bir-
birine ju’da’ jaqın, birin-biri tolıqtıradı. Ma’selen: ja’h’a’n siyasiy kartasın lektsiya
usılında u’yreniw texnologiyası, Quyash sisteması temasın tu’sindiriw usılı h’a’m
basqalar.
Demek, geografiya pa’ninde ta’lim texnologiyaların qollanıw ushın ju’da’
u’lken imkaniyatlarg’a iye, sonlıqtan bul boyınsha ilimiy-metodikalıq jumıslar alıp
barıw kerek.
SORAW HA’M TAPSIRMALAR
1. Pedagogikalıq texnologiyalardın’ ju’zege keliw sebeplerin tu’sindirip berin’?
2. Pedagogikalıq texnologiya degende neni tu’sinesiz?
3. Da’slep pedagogikalıq texnologiyalar qaysı ma’mlekette h’a’m kimler
ta’repinen islep shıg’ıldı?
4. Rossiyada pedagogikalıq texnologiyalar qashannan baslap tarqala basladı?
5. O’zbekstanda pedagogikalıq texnologiyalar qashannan baslap qollanıla basladı
h’a’m bul tarawda kimler jumıs alıp bardı?
6. Ha’zirgi waqıtta geografiyada pedagogikalıq texnologiyalardın’ qaysısı ken’
qollanılmaqta?
