|
2. 2. Statistikalıq proektsiya qurallarınan paydalanıwBog'liq Vaxabov X, Gaypova R, Tursinov M. Geografiyanı oqıtıw metodikası
13. 2. 2. Statistikalıq proektsiya qurallarınan paydalanıw
Statistikalıq proektsiya qurallarına diafilmler, diapozitivler, kodoskoplar kiredi.
Olardan sabaq protsessinde paydalanıw oqıwshılardın’ tikkeley bilimlerin qabıllawdı
ku’sheytedi, ko’z-qaraslarının’ qa’liplesiwine imkan beredi, geografiyalıq qubılıslar
arasındag’ı baylanıs h’a’m nızamlardı teren’ tu’siniwge imkan beredi.
Geografiya ta’limi tarawında islep shıg’arılg’an diafilmler h’a’m diapozitivler
ko’binese ren’li qılıp shıg’arıladı, bul oqıwshılardın’ bilim iskerligin jedellestiredi.
Diafilmlerden paydalanıp sabaq o’tiwde oqıtıwshı to’mendegi talaplarg’a juwap
beriwi kerek;
-
statistikalıq proektsiya quralların sabaq rejesine kiritiw;
-
sabaqtın’ maqsetin islep shıg’ıw;
Diafilmde ko’rsetilgen bilimler oqıwshılar ta’repinen o’zlestiriliwi ushın
oqıtıwshı kiris so’zin a’melge asırıwı lazım. Eger ko’rsetilgen bag’darlamalarda
beriletug’ın bilimler a’piwayı h’a’m an’sat bolsa kiris so’zi qısqa, quramalı bolsa, kiris
so’zi ken’irek bolıwı lazım;
-
oqıw qurallarınan paydalanıp oqıtıwshı to’mendegi jumıslardı a’melge asırıwı
lazım; diafilm yaki diapozitivte ko’rsetilgen jerlerin teren’ u’yreniw lazım; tu’siniksiz
h’a’m biytanıs so’zlerge tu’sinik beriw lazım;
-
oqıwshılardın’ pikirlew iskerligin aktivlestiriw ushın ko’rsetilgen kinofilmge
to’mendegi tapsırmalar du’ziledi
:
sorawlarg’a juwap berin’, sızılmanı du’zin’, reje
du’zin’ h’a’m t.b;
-
ko’rsetilgen kinofilm temanın’ mazmunın ashıp beriw lazım;
-
klass penen baylanıstı u’zbewi ushın kinofilmnin’ bası h’a’m aqırı
ko’rsetilmeydi;
Geografiya sabaqlarında epidoskop h’a’m kodoskoplardan paydalanıw.
Sabaqlardın’ na’tiyjeli bolıwı ushın oqıtıwshı tu’rli dereklerden, su’wretler, sızılmalar,
kartalar, diagrammalar, kesteler h’a’m tag’ı basqa ko’rgizbeli mag’lıwmatlardı
paydalanadı. Usı materiallar epidoskop arqalı ko’rsetiledi. Epidoskoplar h’a’r qanday
dereklerden kesip alıng’an materiallardı ekranda ko’rsetip beretug’ın apparat.
Epidoskop ja’rdeminde oqıwshılardan h’a’r tu’rli tapsırmalardın’ orınlanıwın talap etiw
mu’mkin (sızılmalar, diagrammalar, jazıwsız kartalar, kesteler, olardı toltırıw h’a’m
t.b.) Epidoskop ja’rdeminde qısqa waqıt ishinde oqıwshılar sabaq ushın karta-
sızılmalar, diagrammalar, su’wretler tayarlawı mu’mkin.
|
| |
