139
Ko’rkem filmlerdi de ayırım sabaq temasına tiyisli bo’limlerin paydalanıw
mu’mkin. Bunday filmlerge sayaxat filmleri kiredi. Ondag’ı su’wretlengen ta’biyat
ko’rinislerinen, o’simlik h’a’m h’aywanat du’nyasınan sabaq protsessinde paydalanıw
mu’mkin.
Joqarıda aytılg’anınday, kinofilmlerden sabaqtın’ basında, yag’nıy o’tilgen
sabaqlardı ta’kirarlawda, jan’a temanı o’tiwde, alıng’an
bilimlerdi bekkemlewde
paydalanıw mu’mkin.
Jan’a temanı u’yreniwde temag’a tiyisli kinofilm tolıq ko’rsetiledi. Bunda filmge
oqıtıwshı tu’sinik beredi.
O’tilgen temanı bekkemlewde de kinofilmlerden paydalanıw mu’mkin.
Bunda
kinofilm ko’rsetiledi h’a’m onın’ mazmunı oqıwshılardan soraladı.
Filmnin’ sabaq protsesindegi ornı sabaqtın’ maqseti h’a’m mazmunı o’zine ta’n
o’zgeshelikleri menen anıqlanadı. Oqıw filmlerinen bilim alıw deregi sıpatında da
paydalanıw mu’mkin. O’z betinshe jumıslardı orınlawda da paydalansa boladı. Filmler
oqıtıwshılar bilimin tekseriwde h’a’m u’yrenilgen tema mazmunın o’zlestiriw
da’rejesin anıqlawda, o’tilgen materiallardı ulıwmalastırıwda yamasa ma’lim temanın’
ulıwma bo’limin o’tiwde paydalanıw mu’mkin.
Sabaq protsesinde filmler menen islew metodikası to’mendegi bo’limlerden
ibarat:
a) oqıwshılardı tema boyınsha kinofilmdi ko’riwge tayarlaw;
b) filmdi ko’riw barısındag’ı jumıslardı sho’lkemlestiriw;
v) ko’rilgen film mazmunın bekkemlew;
g) kinolastırılg’an sabaqtın’ na’tiyjeliligin tekseriw.
Oqıwshılardı sabaq aldınan anıq filmdi ko’riwge tayarlaw film mazmunın aktiv
tu’siniwge h’a’m onı tolıq o’zlestiriwge imkan beredi. Filmdi oqıwshılar oqıtıwshı
baqlawında ko’redi. Eger filmdi ko’riw protsessinde baqlaw bolmasa oqıwshılar filmge
dıqqat bermeydi h’a’m basqa na’rse menen shug’ıllana baslaydı
yaki bir-biri menen
so’ylesip otıradı. Na’tiyjede film mazmunı u’stirtin o’zlestiriledi.
Eger film qızıqlı bolsa oqıwshılar onı qızıg’ıp dıqqat penen tamasha etedi. Film
baslanıwınan aldın oqıtıwshı filmnin’
maqsetin, onda neler ko’rsetiletug’ınlıg’ın,
qanday sorawlarg’a oqıwshılar juwap tabıwın kirisiw sa’wbetinde tu’sindiriledi.
Bunnan tısqarı oqıtıwshı kirisiw sa’wbetinde filmnin’ qay jerlerine itibar beriliwin, qay
jerlerin o’z aldına ajıratıp alıp analiz etiwin tu’sindiredi. Ma’selen: O’zbekstan ta’biyiy
geografiyası kursında «Qızılqum» temasın o’tiwde to’mendegilerge
itibar beriliw
kerek:
- tiykarg’ı relef formalarına;
- o’simlik qatlamına;
140
- h’aywanat du’nyasına;
Filmdi ko’riw protsesinde oqıwshılar to’mendegi sorawlarg’a
juwap beriwleri
lazım: Barxan degenimiz ne?, Qum to’beshikleri degenimiz ne? tiykarg’ı
transport
wazıypasın atqarıwshı h’aywandı anıqlan’;
Filmdi ko’riw dawamında oqıtıwshının’ tu’sinikleri oqıwshılarg’a kesent
bermewi kerek. Sonın’ ushın tek kerekli orınlarında tu’sinik beriw lazım. Eger
kinofilmde metodikalıq qa’teler bolsa, oqıtıwshı onı tuwrılap turıwı mu’mkin.
