135
u’lken a’h’miyetke iye. Oqıtıwshılardın’ geografiya xanasında islenetug’ın jumısları
to’mendegi basqıshlardan ibarat.
Birinshi basqısh
. Oqıtıwshı geografiya xanasın qabıllap aladı h’a’m
to’mendegi jumıslardı a’melge asıradı:
kabinettegi barlıq oqıw qurallarının’ dizimi alınadı. Oqıw buyımlarına
mebeller, barlıq oqıw quralların ko’rsetiw h’a’m saqlaw a’sbapları kiredi. Jumısqa
jaramsız qayta islew lazım bolg’an oqıw quralları dizimi alınadı. Oqıw xanasındag’ı
oqıw quralları menen salıstırılıp ta’miyinlengenlik da’rejesi anıqlanadı.
Ekinshi basqısh.
Bul basqıshta h’a’mme oqıw quralları ajıratılg’an orınlarg’a
qoyılıp, olar oqıtıwdın’ texnikalıq quralları h’a’m geografiyalıq kartalardan paydalanıw
ushın a’sbaplar menen bezetiledi. Keyin to’mendegi jumıslar a’melge asırıladı:
geografiya xanasın qayta bezew, ko’rsetiw stendleri ushın materiallar toplaw,
u’lketanıw materialın jıynaw boyınsha jumıslar rejesi du’ziledi;
u’lketanıw mu’yeshin h’a’m muzeyin bezew rejesi du’ziledi. Onda u’lkenin’
ta’biyiy h’a’m ekonomikalıq sha’rayatına tiyisli modelleri h’a’m maketleri
jaylastırıladı. Ma’selen: taw jınısları u’lgileri, qala h’a’m awıl modeli, awıl xojalıg’ı
yaki sanaat o’nimlerinin’ u’lgileri;
geografiyalıq maydanshanı bezew rejesi du’ziledi;
U’shinshi basqısh.
Geografiya
xanasının’ do’retiwshiligi dawamında qosımsha
buyımlar toltırıladı, eskileri jan’alanadı, jan’a buyımlar alınadı. Kitapxana jan’a
a’debiyatlar menen bayıtıp barıladı.
Bul jumıslardı orınlaw oqıtıwshının’ tiykarg’ı pedagogikalıq iskerligine kiredi.
Geografiya xanasının’ bezetiliwi oqıwshılardın’ biliw iskerligin na’tiyjesin belgilep
beredi. Sonın’ ushın geografiya xanasın bezew boyınsha oqıtıwshı anıq rejeni islep
shıg’ıwı kerek.
