|
Sabaq mazmunının’ ilimiyligi
Pdf ko'rish
|
| bet | 100/140 | | Sana | 18.05.2024 | | Hajmi | 1,58 Mb. | | #241765 |
Bog'liq Vaxabov X, Gaypova R, Tursinov M. Geografiyanı oqıtıw metodikasıSabaq mazmunının’ ilimiyligi.
Geografiya sabaqlarında bilim, qa’nigelik,
ta’rbiyalıq ideyalar h’a’m olar menen baylanıslı bolg’an tu’sinikler ashıp beriledi. Biraq
sabaqtın’ tiykarg’ı maqseti da’stu’rde ko’rsetilgen teoriyalıq bilimler h’a’m a’meliy
ko’nlikpelerdi rawajlandırıw. Geografiyalıq ilimiy bilimler tiykarg’ı h’a’m ekinshi
da’rejeli bilimlerge bo’linedi. Tiykarg’ı bilim h’a’m ko’nlikpelerge ilimiy du’nyalıq
ko’z-qarastı rawajlandırıwg’a ja’rdem beretug’ın, a’meliy iskerlik h’a’m turmıs penen
baylanıslı bolg’an ko’nlikpeler: da’liller, ulıwma tu’sinikler h’a’m ko’rinisler,
nızamlar, do’retiwshilik tu’rleri h’aqqında bilimler kiredi.
Usı bilimler h’a’r bir geografiya predmeti boyınsha tiykarg’ı juwmaqlawshı
bilimler bolıp esaplanadı.
Tiykarg’ı bilimlerdi teren’ h’a’m tolıq o’zlestiriw ushın geografiya ta’liminde
ekinshi da’rejeli bilimlerde paydalanıladı. Olar tiykarınan tu’siniklerdi qa’liplestiriw,
belgilew, anıqlastırıwda ko’birek paydalanıladı. Ekinshi da’rejeli bilimlerge izertlew
materialların u’yreniw, xalıq xojalıg’ı iskerligi h’aqqında bilimler h’a’m t.b.bolıp
o’zlestiriliwi za’ru’r bilimler qatarına kiredi.
Joqarıdag’ı bilimlerden tısqarı da’stu’r h’a’m sabaqlıqlarda ushıramaytug’ın
qosımsha bilimler qollanıladı. Ma’selen: ma’mleketler bayrag’ı, gerbi, turmıs sharayatı,
u’rip-a’detleri h’aqqında bilimler oqıwshılardın’ biliw iskerligin rawajlandırıw ushın
qosımsha material sıpatında qollanıladı.
Geografiyalıq bilimlerdi turmıs penen baylanıstırıw geografiya sabaqlarına
qoyılatug’ın tiykarg’ı talaplardın’ biri bolıp esaplanadı. Geografiya predmetlerinde
beriletug’ın bilimlerdin’ derlik h’a’mmesi turmıs penen baylanısqan. Qorshag’an
ortalıqtı qorg’aw, siyasiy, sotsiallıq ekonomikalıq tarawlardag’ı ma’mleketlik qararlar
geografiyalıq bilimlerdi turmısqa engiziw h’a’m baylanıstırıw ushın tiykar bolıp
esaplanadı.
Bul materiallardan sabaq protsesinde paydalanıw ushın tema mazmunına say
bolg’an mamleketlik qarar h’a’m nızamlardı tabıw lazım. Sonda g’ana oqıwshılar
alg’an bilim h’a’m ko’nlikpelerin turmıs penen baylanıstıra aladı.
|
| |
