|
“Yashil iqtisodiyot sari: nazariy va amaliy yondashuvlar tahlili”
Pdf ko'rish
|
| bet | 118/520 | | Sana | 16.05.2024 | | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
121
Hosil boʻladigan qattiq maishiy chiqindilarni qayta ishlash darajasini 65
foizdan oshirish esa aholi punktlarining sanitariya va ekologik holatini yaxshilashda
zarur tadbir hisoblanadi. Shuningdek, qaror bilan sanoat tarmoqlarida “yashil”
iqtisodiyotga oʻtish va energiya tejamkorligini ta'minlash boʻyicha kontseptsiya,
2030 yilgacha Oʻzbekiston Respublikasida “yashil” iqtisodiyotga oʻtish va “yashil”
oʻsishni ta'minlash boʻyicha harakatlar rejasi, 2022–2026 yillarda iqtisodiyot
tarmoqlarida yoqilgʻi-energetika resurslarini tejashning maqsadli parametrlari ham
tasdiqlangan.
Shu bilan birga, hujjat bilan “yashil” iqtisodiyotni joriy etish va uni
rivojlantirish boʻyicha vakolatli davlat organlari belgilanib, mutasaddi vazirlik va
idoralarning bu boradagi vazifalari aniq belgilab berildi.
Shu oʻrinda yuqorida ta'kidlangan muhim maqsadlar yoʻlida qator ijobiy ishlar
amalga oshirilayotganini qayd etib oʻtish lozim. Jumladan, birgina 2022 yilning 9
oyi mobaynida xavflilik darajasi yuqori va oʻrta boʻlgan metallurgiya, yogʻ-moy,
energetika va qurilish materiallarini ishlab chiqaruvchi 28 yirik korxonada
samaradorligi 95 foizdan kam boʻlmagan 150 ta chang-gaz tozalash uskunasi
modernizatsiya qilinishi hisobiga atmosferaga 2,2 ming tonna chiqindi gazlari
tashlanishining oldi olindi.
Shunday chora-tadbirlar natijasida soʻnggi besh yilda atmosferaga
tashlanayotgan tashlanmalar miqdori 11 foiz kamaydi. Atmosfera havosi
ifloslanishining oldini olishda ekologik toza transport vositalari sonini oshirish,
yoqilgʻi sifatini xalqaro standartlarga moslashtirish muhim ahamiyatga ega. Bu
borada ham mamlakatimizda qator ishlar qilinmoqda.
Masalan, elektromobillar soni ortishi yoki Toshkent shahrida elektrobuslarning
harakati yoʻlga qoʻyilgani bunga yaqqol misol boʻladi. Qayta tiklanuvchi energiya
manbalari ishlab chiqarish quvvatini oshirish borasida ham sezilarli natijalarga
erishilmoqda. Jumladan, 2021 yilda Karmana tumanida ishga tushirilgan (loyiha
qiymati 110 million AQSh dollari, quvvati 100 megavatt) quyosh fotoelektr
stantsiyasi energetika tizimidagi birinchi ulkan qadam boʻldi.
Yiliga 252 million kilovatt/soat elektr energiyasi ishlab chiqaruvchi mazkur
fotoelektr stantsiya 30 mingdan ziyod xonadonni quvvat bilan ta'minlash imkonini
berishi bilan birga, 80 million kub metr tabiiy gaz tejalishiga zamin yaratadi.
Atmosferaga 160 ming tonna issiqxona gazi chiqishining oldi olinadi.
Joriy yilda Nurobod tumanida ham xuddi shunday stantsiya ishga tushirildi.
Birlashgan Arab Amirliklarining “Masdar” kompaniyasi tomonidan Navoiy viloyati
Tomdi tumanida quvvati 500 MVt. boʻlgan shamol elektr stantsiyasi qurilyapti.
Umumiy qiymati 600 million dollarni tashkil etuvchi mazkur loyiha 2024 yil
yakuniga qadar ishga tushirilishi rejalashtirilgan. U yiliga 1 milliard 800 million
kVt/soat elektr energiyasi ishlab chiqaradi.
Buning natijasida yiliga 540 million kub metr tabiiy gaz tejalishiga erishiladi
hamda atmosferaga 720 ming tonna zararli gaz chiqishining oldi olinadi. 2026 yilga
borib Oʻzbekistonda quyosh va shamol elektr stantsiyalarining umumiy quvvatini
8000 MVt.ga etkazish, 2030 yilda qayta tiklanuvchi energiya manbalarining ishlab
chiqarish quvvatini 15 GVt.ga oshirish koʻzda tutilmoqda.
|
| |
