|
“Yashil iqtisodiyot sari: nazariy va amaliy yondashuvlar tahlili” Pdf ko'rish
|
bet | 120/520 | Sana | 16.05.2024 | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
123
yongʻoq mevali, shundan 1,5 ming gektar pista, 610 gektar bodom va 130 gektar
yongʻoq plantatsiyalari tashkil etilgan. 57 gektar maydonda esa 22,8 ming tup
bodom koʻchati ekilib, Chorvoq suv omborining togʻ va togʻ oldi hududlarida ihota
(himoya) oʻrmonlar, 110 ob'ektning 1,3 ming gektar erida 3,1 million tup tut koʻchati
ekilib, ihota daraxtzorlar barpo etilgan.
Shu oʻrinda mintaqamizda iqlim oʻzgarishlariga sabab boʻluvchi Orol dengizi
fojiasi oqibatlarini yumshatish, Orolning qurigan tubini oʻrmonlashtirish, Orolboʻyi
hududi aholisi farovonligini oshirish boʻyicha ulkan ishlar amalga oshirilayotganiga
ham toʻxtalish zarur.
Soʻnggi 4 yil davomida Orolning qurigan tubida qariyb 1,7 million gektardan
ortiq maydonga saksovul, cherkes, shoʻrga va qurgʻoqchilikka chidamli boshqa
oʻsimliklar urugʻlari sepildi va koʻchatlari ekildi. Ushbu hududlarda choʻl
oʻsimliklaridan “yashil qoplamalar” — himoya oʻrmonzorlari barpo etilishi, oʻz
navbatida, Orol dengizining suvi qurigan tubidan koʻtarilayotgan qum, tuz va chang
zarrachalarining salbiy ta'sirini kamaytirish, global iqlim oʻzgarishlari va Orol
dengizi qurishining qishloq xoʻjaligi rivojlanishi hamda aholining hayoti va
faoliyatiga salbiy ta'sirini yanada yumshatish imkonini beradi.
Chiqindilar bilan bogʻliq ishlarni tashkil etish va muvofiqlashtirishda yurtimiz
hududining 93 foizi sanitar tozalash xizmatlari bilan ta'minlanib, qamrov 2016
yildagiga nisbatan 18 barobar ortgan. 2022 yil 1 oktyabriga qadar chiqindilar bilan
ishlash yoʻnalishida 79 tuman va shahar xususiy sheriklarga biriktirilib, uning ulushi
52 foizga etkazilgan. 22 ta chiqindi poligoni rekultivatsiya qilingan, 8 ta poligon
yopilgan, chiqindilarni qayta ishlash 29,6 foizga etkazilgan.
Birgina misol. “Chust dpk kompozit” MChJ tomonidan birlamchi va
ikkilamchi poliolefin mahalliy xomashyosi va yogʻoch chiqindilari asosida import
oʻrnini bosuvchi dekorativ yogʻoch-polimer kompozitlari ishlab chiqarish
texnologiyasini tijoratlashtirish loyihasi amalga oshirilishi natijasida yiliga 120
ming tonnagacha ikkilamchi poliefir va 150 ming tonnagacha yogʻoch chiqindisi
qayta ishlanyapti. 200 ming kub metr arzonlashtirilgan yogʻoch-polimer kompozit
qurilish materiallari ishlab chiqarilmoqda
Xulosa qilib aytadigan boʻlsak davlatimiz rahbarining 2021 yilda Janubiy
Koreyada boʻlib oʻtgan “Yashil oʻsish va global maqsadlar uchun hamkorlik —
2030” ikkinchi xalqaro sammitida soʻzlagan nutqidagi quyidagi iqtibosni keltirish
mumkin: “Bugungi kunda ona tabiatning oʻzi bizga yoʻllayotgan ogohlik
qoʻngʻirogʻiga beparvo boʻlmasligimiz kerak. Afsuski, iqlim oʻzgarishlari tobora
kuchayib bormoqda. Bugun “yashil taraqqiyot” borasidagi maqsadlarga erishish
uchun mamlakatlarning harakatlari yanada faol va samarali boʻlishi kerakligiga hech
kim shubha qilmayapti. Boshqa choramiz ham yoʻq...”.
|
| |