|
“Yashil iqtisodiyot sari: nazariy va amaliy yondashuvlar tahlili”
Pdf ko'rish
|
| bet | 119/520 | | Sana | 16.05.2024 | | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
122
Bu oʻz navbatida, aholi va iqtisodiyot tarmoqlarining elektr energiyasiga
boʻlgan ehtiyojini ta'minlashning yanada yaxshilanishiga imkon yaratishi bilan
birga, mintaqada energetik barqarorlikni hamda Oʻzbekistonning Iqlim oʻzgarishlari
boʻyicha Parij bitimi doirasida olgan majburiyatlari ijrosini ta'minlashga xizmat
qiladi.
Taraqqiyot strategiyasida iqtisodiyotni elektr energiyasi bilan uzluksiz
ta'minlash hamda “Yashil iqtisodiyot” texnologiyalarini barcha sohalarga faol joriy
etish, iqtisodiyotning energiya samaradorligini 20 foiz oshirish borasida 6 ta aniq
vazifa belgilab qoʻyilgan.
Ayni paytga qadar esa sanoat sohasida energiya samaradorligini oshirish uchun
umumiy qiymati 700 million dollardan ortiq boʻlgan toʻgʻridan-toʻgʻri xorijiy
investitsiya jalb qilish hisobiga Toshkent, Buxoro va Xorazm viloyatlarida quvvati
1154 MVt.ga teng 5 ta elektr stantsiyasi ishga tushirilgan. Shu oʻrinda
Prezidentimizning 2022 yil 9 sentyabrdagi aholi va tadbirkorlik sub'ektlarining
qayta tiklanuvchi energiya manbalaridan keng foydalanishini davlat tomonidan
qoʻllab-quvvatlash mexanizmlarini joriy etish, energiya resurslaridan samarali
foydalanishni ragʻbatlantirishga qaratilgan “energiya tejovchi texnologiyalarni joriy
qilish va kichik quvvatli qayta tiklanuvchi energiya manbalarini rivojlantirish
boʻyicha qoʻshimcha chora-tadbirlar toʻgʻrisida”gi farmoni bilan belgilab berilgan
qator imtiyozlarni alohida qayd etish lozim.
Davlat tomonidan moliyaviy qoʻllab-quvvatlash hisobiga 2022-2023 yillarda
hududlardagi 34 mingdan ortiq ob'ektda, jumladan, 619 “Yangi Oʻzbekiston”
massivi va 28 mingdan ziyod xonadonda muqobil energiya manbalarini joriy qilish,
vazirlik va idoralar kesimida 6 mingdan ortiq ob'ektda energiya sarfi hajmida
muqobil energiya manbalari ulushini 30 foizga etkazish ishlari amalga oshirilmoqda.
Suv resurslari taqchilligining oldini olish borasida ham tizimli chora-tadbirlar
koʻrilmoqda. Jumladan, birgina joriy yilda 478 ming gektarda suv tejovchi
texnologiyalar joriy etish hisobiga 534 million kub metr suvni iqtisod qilish
belgilangan. Bu oʻz navbatida, mavjud suv resurslaridan oqilona foydalanish bilan
bir qatorda etishtirilayotgan qishloq xoʻjaligi mahsulotlari tannarxi pasayishiga
xizmat qiladi.
Oʻtgan yil noyabr oyidan boshlab keng koʻlamda amalga oshirilayotgan
“Yashil makon” umummilliy loyihasi doirasida 2021 yil kuz mavsumida 85 million,
joriy yilning bahor mavsumida 126,4 million, kuz mavsumida 75 million tupdan
ortiq daraxt va buta koʻchati ekildi.
Keyingi besh yilda 1 milliard daraxt va buta koʻchati ekilishi ham shaharlar,
mahallalarimizga fayz bagʻishlovchi yangi yashil hududlar barpo etilishi, yurtimiz
iqlimini moʻ'tadil saqlash, pirovardida tabiatimizni asrash, aholimiz salomatligini
yaxshilash, xalqimizning farovonligini ta'minlashga xizmat qilishi, shubhasiz.
2022 yilning 9 oyi mobaynida 208 ming gektar maydonda saksovul va boshqa
choʻl oʻsimliklaridan “yashil qoplamalar” barpo etilgan, choʻl oʻsimliklarining
956,2 tonna urugʻi jamgʻarilgan. 171 gektar maydonda saksovul va boshqa choʻl
oʻsimliklari niholxonalari tashkil etilgan. 640 gektar maydonda iqlim sharoitiga mos
daraxt va buta turlaridan niholxona va koʻchatxonalar, 2,2 ming gektar maydonda
|
| |
