|
“Yashil iqtisodiyot sari: nazariy va amaliy yondashuvlar tahlili”
Pdf ko'rish
|
| bet | 137/520 | | Sana | 16.05.2024 | | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
140
- maʼmuriy-maishiy bino va inshootlarda, shu jumladan aholi massivlari va
xonadonlarida muqobil energiya manbalarini qoʻllash boʻyicha manzilli chora-
tadbirlarni amalga oshirish;
- mikro va kichik gidroelektr stansiyalarini qurishga doir biznes loyihalarining
jozibadorligini oshirish orqali sohaga xususiy investitsiyalarni kengroq jalb qilish;
- quyosh va shamol elektr stansiyalari hamda kichik gidroelektr stansiyalari
qurilmalarini ishlab chiqaruvchi tadbirkorlik subyektlarini har tomonlama qoʻllab-
quvvatlash amalga oshirilmoqda.[1]
Bu kabi ragʻbatlantirishlarni amalga oshirish maqsadida 3 yil davomida foizsiz
boʻlib toʻlash evaziga ishlab chiqarilgan quyosh va shamol elektr stansiyasi hamda
quyosh suv isitish qurilmalarini berish yoʻlga qoʻyildi. Shuningdek, bu kabi
xarajatlarni moliyalashtirish maqsadida Moliya vazirligi 2022-yil uchun 100
milliard soʻm miqdorida mablagʻlar ajratilishi koʻzda tutilgan.
Oʻzbekiston Respublikasining bu kabi “yashil” iqtisodiyotga oʻtish
strategiyalari bilan qisqa muddat ichida eng dolzarb muammolardan biri boʻlgan
energiya tejamkorligini taʼminlash vazifasi samarali bajariladi.
Energiya tejamkorligini taʼminlash uchun mos ravishda muqobil elektr
energiya ishlab chiqarishni oshirish lozim. Shuningdek, bu taklifni amalga oshirish
uchun elektr-energiya olish usullari (quyosh panellari, gidroelektr stansiyalari -
GES, shamol elektr stansiyalari – ShES)ni hududlar miqyosida toʻgʻri taqsimlashni
taklif qiladi: voha viloyatlarida quyoshning muntazam chiqishi sababli quyosh
panellaridan koʻproq foydalanish, vodiy viloyatlarida shamolning kuchliligi sababli
shamol elektr stansiyalarini qurishni koʻpaytirish, Amudaryo, Sirdaryo, Zarafshon
kabi oqimli daryolarda gidro elektr stansiyalani salmogʻini oshirish maqsadga
muvofiq. Bu orqali elektr energiya ishlab chiqarishni hajmini oshirish bilan birga
“yashil” iqtisodiyotga oʻtish jarayonini tezlashtirish imkoniyatini yaratiladi.
|
| |
