|
“Yashil iqtisodiyot sari: nazariy va amaliy yondashuvlar tahlili”
Pdf ko'rish
|
| bet | 192/520 | | Sana | 16.05.2024 | | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
196
tiklanadigan energiya loyihalari uchun moliyaviy imtiyozlar, subsidiyalar va soliq
imtiyozlarini taqdim etishi investitsiyalarni jalb qilish va yashil energiya
infratuzilmasini rivojlantirishni tezlashtirishi mumkin. Hozirda shiddat bilan
rivojlanayotgan axborot asrida sohadagi yutuqlardan uzoqiashib qolmaslik uchun
muhandislar, texnik xodimlar va korxonalarga yashil texnologiyalar va barqarorlik
amaliyotlari boʻyicha koʻnikmalar va tajribalarni rivojlantirish uchun oʻqitish va
ta‘lim dasturlarini taqdim etish lozim. Har qanday sohada boʻlgani kabi bunda ham
xalqaro tashkilotlar va hamkorlar bilan birdamlikda harakat qilish yashil
iqtisodiyotni rivojlantirishni qoʻllab-quvvatlash uchun tajriba, texnologiya va
moliyalashtirishni olib kelishi mumkin. Shu bilan birga aholini xabardor qilish
kampaniyalari yani yashil energiya va barqaror amaliyotlarning afzalliklari haqida
xabardorlikni oshirish uchun ta’lim kampaniyalarini boshlash jamoatchilikning
munosabatini oʻzgartirishga yordam beradi va yashil texnologiyalarni kengroq qabul
qilishni ragʻbatlantiradi.
Shuni ta’kidlash kerakki, “Yashil iqtisodiyot” barqaror rivojlanish oʻrnini bosa
olmaydi, balki barqaror rivojlanishga erishishga xizmat qiluvchi muhim mezon
hisoblanadi. Barqaror rivojlanishning mazmuni hozirgi avlod oʻz iqtisodiy
faoliyatini shunday tashkil etishi zarurki, keyingi avlodlar ulardan kam boʻlmagan
iqtisodiy imkoniyatlar va turmush farovonligiga ega boʻlishlari lozimligida
namoyon boʻladi
206
. Ushbu muammolarni hal qilish va ushbu yechimlarni amalga
oshirish orqali Oʻzbekiston yashil iqtisodiyotni rivojlantirish hamda barqaror va
qayta tiklanadigan energiya manbalariga oʻtishda sezilarli muvaffaqiyatlarga
erishishi mumkin.
Xulosa qilib aytganda, Oʻzbekistonda “yashil” energetika va “yashil”
iqtisodiyotni rivojlantirish muammolarga duch kelayotgan boʻlsa-da, strategik
siyosat islohotlari, sarmoya, ta’lim va hamkorlik orqali taraqqiyotning aniq yoʻllari
mavjud. Ushbu muammolarni hal qilish va barqaror yechimlarni amalga oshirish
orqali Oʻzbekiston yanada ekologik toza va iqtisodiy barqaror kelajak sari harakat
qilishi mumkin.
|
| |
