“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
453
SUGʻURTA KOMPANIYALARI KAPITAL SAMARADORLIGINI
OSHIRISH ISTIQBOLLARI
H.Nematullayev, Andijon iqtisodiyot va qurilish instituti talabasi
Jahon amaliyotida aksariyat yirik kompaniyalarning moliyaviy barqarorligi
asosan uning toʻlovga qobilligi va mavjud zaxiralarining miqdori bilan belgilanadi.
Ta’kidlash lozimki, birgina sugʻurta kompaniyalarini oladigan boʻlsak sugʻurta
bozorida zamonaviy moliyaviy instrumentlarni joriy etish, sugʻurta xizmatlarini
diversifikatsiyalash sugʻurta bozorini rivojlantirishda xalqaro ilgʻor tajoribalardan
foydalanish orqali moliyaviy barqarorlikni ta’minlash amaliyotini takomillashtirish
dolzarb masalalardan biri sifatida saqlanib qolmoqda.
Sugʻurta kompaniya xususiy kapitalining miqdori, aktivlarining xajmi va
investitsiya siyosati kabilar barqarorlik holatiga ta’sir etuvchi bilvosita omillar
hisoblansada, ushbu moliyaviy koʻrsatkichlarning holati bevosita toʻlovga qobillik
va likvidlilik koeffitsientlarni me’yorlarini ta’minlashda muhim ahamiyat kasb
etadi. Aksiyadorlik jamiyatlari moliyaviy barqarorlik holatini ifodalovchi muhim
koeffitsientlardan biri uning kapitalini yetarliligi va inqiroz extimolligini baholash
koʻrsatkichlari hisoblanadi. Shunga muvofiq, maqolani keyingi qismida “Kafolat
sugʻurta kompaniyasi” aksiyadorlik jamiyati misolida ushbu moliyaviy barqarorlik
koeffitsientlarini tahlil qilamiz. Moliyaviy tahlil jarayonida sugʻurta kompaniyalari
xususiy kapitalining qiymati va miqdorini ifodalovchi bir nechta koeffitsientlardan
foydalaniladi:
1. Xususiy kapitalning yetarlilik darajasini ifodalovchi koeffitsient. Ushbu
koeffitsient moliyaviy resurslarni tarkibiy tuzilishi va sugʻurtalovchining aktivlari
qanchalik darajada xususiy kapital bilan ta’minlanganligini koʻrsatadi. Moliyaviy
tahlilchi va kreditorlarning fikriga koʻra, ushbu koeffitsient darajasini imkon qadar
yuqori boʻlishligi ijobiy hisoblanadi: xususiy kapital/jami aktivlar.
Sugʻurta kompaniyalari uchun ushbu koeffitsientning darajasi 0,2 va undan
yuqori boʻlib, aniqlangan natija esa kompaniyani moʻtadil (normal) holatda faoliyat
yuritayotganligini ifodalaydi. Sugʻurta kompaniyalari dastlabki faoliyatni tashkil
etish jarayonida toʻlovga qobillik darajasini oʻz mablagʻlari hisobiga ta’minlasa,
keyingi faoliyat bosqichlarida esa oʻz mablagʻlari va sugʻurta zaxiralari hisobiga
ta’minlanadi. Shunga muvofiq, sugʻurtalovchining oʻz mablagʻlarini qoplash uchun
yetarliligini baholash quyidagi jadval ma’lumotlarida keltirilgan (1-javdal).
2. Xususiy kapitalni majburiyatlarga nisbati koeffitsienti, sugʻurta
kompaniyasining xususiy kapitali miqdori qarz kapitali miqdoridan qancha yuqori
ekanligini koʻrsatadi: xususiy kapital/majburiyatlari. Mazkur koeffitsientga
qoʻyiladigan minimal miqdor koʻrsatkich 1 ga teng boʻlib, aniqlangan natija 1 dan
qancha yuqori boʻladigan boʻlsa, toʻlovga qobillik koʻrsatkichi mos ravishda yuqori
boʻlib oʻz mablagʻlari hisobidan majburiyatlarni bajara olish imkoniyatining yuqori
ekanligini koʻrsatadi.