187
PISA – o’quvchilar yutuqlarini xalqaro baholash dasturi doirasida ko’p yillar davomida olib borilgan
tadqiqotlar natijasi o’laroq, quyidagi xulosalarga kelingan:
Dunyoning aksariyat o’quvchi yoshlari XXI
asrda yashashga tayyor emaslar, ya’ni zamonaviy
jamiyat ehtiyojlaridan kelib chiqqan kompetentsiyalariga to’liq ega emaslar;
maktab ta’limi ko’p jihatdan bu kompetentsiyalarni shakllantirishga yo’naltiril-magan;
o’quvchilar egallagan bilim va ko’nikmalarini qayerda ishlatilishini bilishmaydi;
Hali ham ko’p maktablarda eskicha usullarda ta’lim berilayapti, ya’ni tayyor bilimlar berilayapti.
Aslida maktab o’quvchilarni “o’rganishga o’rgatish” ya’ni mustaqil bilim olishga o’rgatishi kerak bo’ladi;
darsliklar va undagi o’quv topshiriqlari mazmuni ham bunday vazifani bajarish-ga mo’ljallanmagan.
Yuqoridagi bu xulosalardan kelib chiqib, mamlakatimizda 2021-yilda o’tkazilishi mo’ljallanayotgan
PISA tadqiqotlari doirasida matematik savodxonlikni baholashda quyidagi muammolarga duch kelishimiz
mumin:
darsliklarda PISA topshiriqlariga o’xshash masalalarning yo’qligi yoki kamligi sababli,
o’quvchilarda bunday amaliy faoliyatlarni amalga oshirish tajribasining yetishmasligi
oqibatida PISA
tadqiqotlarida ularning natijalari past bo’lishi mumkin;
PISA topshiriqlari odatda uzundan-uzun matnlar yordamida tasvirlanib, ulardagi real vaziyat va
muammolarni hal qilish usulini tanlash uchun matematikaning qaysi bo’limiga murojaat qilish haqida
ko’rsatmalar yo’q;
PISA topshiriqlari (matnli, rasmli, diagramma va jadvallar, real bog’lanishlar grafiklari kabi) turli
shakllarda taklif qilinadi. Ularni matematik tilga o’girish va yechim topilgandan so’ng uni yana real sharoit
bilan bog’lab baholash va talqin qilish talab qilinadi.
odatda matematika darsliklarida standart masalalar beriladi va ular
standart usullar yordamida
yechiladi, ya’ni o’quvchilar muayyan turdagi masalalarni ma’lum algoritmlar asosida yechishga o’rgatiladi.
PISA topshiriqlarida esa unday emas. Odatda matematika darsliklaridagi masalalar muayyan bobda beriladi
va bu bilan ularni yechish usullari ham shu bobda ko’rilgan usullarga bog’langan holda beriladi, ya’ni
muayyan bo’limining masalalari qanday yechilishi haqida ko’rsatma beriladi;
bundan tashqari, darslikdagi masalalar sof matematik masalaning tavsifidan iborat bo’lib, odatda
ularning mazmuni hayotdagi real vaziyatlardan ancha uzoqda bo’ladi;
darsliklarimizda PISA topshiriqlariga o’xshash masalalar juda kam yoki umuman yo’q. Masalalarda
ko’rilayotgan vaziyatni tavsiflovchi juda
katta hajmdagi axborot berilib, ularda juda ko’p yangi matnli
ma’lumotlarning borligi – masalani tushunish va uni yechishni yanada og’irlashtiradi;
ma’lumot turli: matn, raqam va tasvirli shakllarda taqdim etilad. Masalani yechish uchun zarur
bo’lgan ma’lumotlar matnning turli qismlaridan olinishi kerak bo’ladi. Ba’zi masalalarda “aylana” so’zi
topshiriq matnida qayd etilmasada, o’quvchilarning o’zlari ob’ektning aylana shaklida ekanligini topishlari
kerak bo’ladi.
mamlakatimiz maktablari matematika fani o’quv dasturi PISA tadqiqotlarining matematik
savodxonlikni baholash dasturi mazmuni va ketma-ketligidan farq qiladi. PISA sinovlarida hali o’tilmagan
mavzular bo’yicha topshiriqlar ham berilishi mumkin;
PISA topshiriqlarining berilishi va unga javob berishning o’zgachaligi ham o’quvchilarda ma’lum
qiyinchiliklarni tug’diradi. Sinovning kompyuter asosida o’tkazilishi esa kompyuterda ishlash va ba’zi
maxsus ilovalardan foydalanish ko’nikmalarini ham talab etadi. Ba’zi intraktiv
topshiriqlarni bajarish
oldindan bunday topshiriqlar bilan tanish bo’lish va ularda ishlash dasturidan foydalanish ko’nikmalrining
shakllanganligiga ham bog’liq bo’ladi.
Bu va shunga o’xshash muammolar borki, PISA tadqiqotlarida ilk bor qatnashayotgan mamlakatimiz
ta’lim tizimi oldida bir qator qo’shimcha vazifalarni ko’ndalang qilib qo’yadi. Bu muammolarni oldindan
bilish va ularni hal qilish bo’yicha kompleks chora-tadbirlar grafigi va rejasini ishlab chiqish lozim bo’ladi.
Shundan kelib chiqib, sinovlarga tayyorlanish ishlarini tashkil qilishda quyidagi jihatlarga e’tibor
qaratilishini tavsiya qilamiz:
barcha tadqiqot yo’nalishlari doirasidagi umumta’lim fanlari o’qitucvhilarning maqsadli malakasini
oshirish, PISA tadqiqotlari bilan tanishtirish, topshiriqlar mazmuni va tuzilishi haqida ma’lumot berish,
ularni tahlil qilishga qaratilgan seminar-treninglar tashkil qilish;
Seminar qatnashchilarini tegishli o’quv materiallari bilan ta’minlash, turli o’quv-uslubiy
adabiyotlarni chop ettirib, joylarga yetkazish;
Matematika fani o’qituvchilarini nafaqat matematik savodxonlik bo’yicha, balki kreativ fikrlash
bo’yicha ham tadqiqotlarni o’tkazishga tayyorlash;
188
Malaka oshirishdan o’tgan o’qituvchilar maktabda to’garak soatlari hisobidan ”PISA-2021
tadqiqotlariga tayyorlanamiz” deb nomlangan fakultativ kurslarni 7-, 8- va 9- sinf o’quvchilari
uchun
haftasiga 2 soat hajmida tashkil qilish tavsiya etiladi. Asosiy e’tiborni 2021-yilda sinovdan o’tadigan 8-sinf
o’quvchilariga qaratish;
Respublikadagi matematikani o’qitishga tayanch maktab sifatida belgilangan maktablarning PISA-
2021 tadqiqotlariga tayyorlanishga mas’ul markaz sifatidagi faoliyatini tashkil qilish va ularga har
tomonlama uslubiy yordam ko’rsatish;
Televideniye va boshqa ommaviy axborot vositalarida keng targ’ibot ishlarini olib borish,
”Ma’naviyat va ma’rifat” kanalida har haftada berib boriladigan turkum ko’rsatuvini tashkil qilish. Bu
ko’rsatuv orqali ochiq PISA topshiriqlarini tahlil qilish va o’qituvchilarga yil bo’yi tegishli uslubiy
tavsiyalarni berib borish;
Xalq talimi vazirligi portalida va Ta’lim sifatini baholash bo‘yicha xalqaro
tadqiqotlarni amalga
oshirish milliy markazi vebsaytida ”PISA-2021 tadqiqotlariga tayyorlanamiz” deb nomlangan alohida
interaktiv rukn tashkil qilish va ularga tadqiqotlar bilan bog’liq barcha ma’lumot, xabar va materiallarni
joylashtirib borish. Onlayn maslahat olish imkoniyatlarini yaratish.
Ma’lumki, PISA topshiriqlari matematika fanining quyidagi mazmun sohalari (bo‘limlari) ga doir
tuziladi: Miqdorlar (arifmetika); O‘zgarishlar va munosabatlar (algebra); Fazo va shakl (geometriya);
Ma’lumotlar va aniqmasliklar (ehtimollar nazariyasi va matematik statistika elementlari).
Shundan kelib chiqib, o’quvchilarni PISA tadqiqotlariga 5- sinfdan boshlab tayyorlab borish lozim
bo’ladi. Chunki, aynan 5-6- sinflarda matematikaning asosiy hisob-kitob, ya’ni arifmetik ko’nikmalarini
tizimli ravishda shakllantisrish boshlanadi. Shuningdek, PISA topshiriqlarining ko’pchiligi aynan sonlar
ustida arifmetik amallarni bajarish, hisoblash texnikalaridan foydalanishni taqozo qiladi. 7- 9- sinflarda esa
algebra va geometriya fanlarini tizimli o’rganish boshlanadi.
O’rta umumiy ta’lim maktablari uchun matematika fanidan yangilangan o’quv dasturi aynan PISA
tadqiqotlarida matematik savodxonlik mazmunidan kelib chiqib qayta tuzilgan. Undagi ba’zi mavzularning
oldingi sinflarga surilgani, dasturga kombinatorika, ehtimollar nazariyasi
va matematik statistika
elementlarining 5-sinfdan boshlab erta qo’shilganining boisi ham shu bilan bog’liq. Shuningdek, 5-6-
sinflarda planimetriya elementlari va fazoyiy shakllarni o’rganishga ko’proq e’tibor berilgani, hamda 7-9-
sinf geometriya kursida stereometriyaning boshlang’ich tushunchalarining ham kiritilishi PISA
topshiriqlari bilan bog’liq amalga oshirilgan. Shu bilan birga, boshqa umumta’lim fanlarida bu mavzularga
ehtiyoj bo’lgani uchun ham bunday qarorga kelingan. Dasturni yangilash jahonda matematika fanini
o’qitishga bo’layotgan innovatsion yondashunlarga javoban amalga oshirildi.
Shu bilan birga, dasturni
yaratishda matematika fanini o’qitishning ming yillar davomida shakllanib kelgan jahon va yurtimizdagi
ilg’or an’analar va fanning nazariy asoslangan mazmuni, hajmi, ketma- ketligi va uzviyligini ta’minlagan
holda va unga putur yetkazmagan holda ish tutildi.
Shuni alohida ta’kidlash lozimki, PISA topshiriqlarini yechish uchun matematikada chuqur bilim va
ko’nikmalarni talab qilinmaydi. Lekin, o’zlashtirilgan muayyan bilim va ko’nikmalarni hayotiy
vaziyatlarga qo’llashga juda katta e’tibor beriladi. Ularni fakultativ kurs (to’garak) mashg’ulotlarida ham
muhokama qilish tavsiya etiladi. Shuningdek, matematika o’quv dasturiga yangi kiritilgan loyiha ishlariga
ham alohida e’tibor qaratish lozim. Bu loyiha ishlariga mavzu sifatida PISA topshiriqlari yoki ularga
o’xshash kichik ilmiy ishlanishlarni talab qiladigan topshiriqlarni berish tavsiya etiladi.
