|
Zbekiston respublikasi transport vazirligi toshkent davlat taransport universiteti
|
| bet | 1/13 | | Sana | 13.06.2024 | | Hajmi | 31,53 Mb. | | #263390 |
Bog'liq e.sh
O‘ZBEKISTON RESPUBLIKASI TRANSPORT VAZIRLIGI
TOSHKENT DAVLAT TARANSPORT UNIVERSITETI
“AVTOMOBIL YO’LLARI MUHANDISLIGI” FAKULTETI
«Avtomobil yo‘llarini qurish va ekspluatatsiya qilish» kafedrasi
YMAQ-1 guruhi talabasi
Eshqulov Shoxruxning
2021-2022 o‘quv yilida o‘quv-texnologik amaliyotida bajarilgan ishlari bo’yicha
HISOBOTI
\
KIRISH
O‘ZBEKISTON RESPUBLIKASINING QONUNI AVTOMOBIL YO‘LLARI TO‘G‘RISIDA
Qonunchilik palatasi tomonidan 2007-yil 29-iyunda qabul qilingan
Senat tomonidan 2007-yil 24-avgustda ma’qullangan
O`zbekiston Respublikasining Avtomobil yo`llari to`g`risidagi qonuni 6 bob 30 moddadan iborat bo`lib asosiy maqsad va mazmuni quyidagilardan iborat.
Ushbu Qonunning maqsadi avtomobil yo‘llarini loyihalash, qurish, rekonstruksiya qilish, ta’mirlash, saqlash va ulardan foydalanish sohasidagi (bundan buyon matnda avtomobil yo‘llari sohasidagi deb yuritiladi) munosabatlarni tartibga solishdan iborat.
Avtomobil yo`llari haqida umumiy tushunchalarga ega bo`lsak.
Avtomobil yo‘li — transport vositalari harakatlanishi uchun mo‘ljallangan, ularning belgilangan tezlikda, og‘irlikda, o‘lchamlarda muttasil va xavfsiz harakatlanishini ta’minlaydigan muhandislik inshootlari majmuasi, shuningdek ushbu majmuani joylashtirish uchun berilgan yer uchastkalari va majmua ustidagi belgilangan doiradagi bo‘shliq;
Avtomobil yo‘llaridan foydalanuvchilar — yo‘l harakatining ishtirokchilari bo‘lgan yoki ajratilgan mintaqa hamda yo‘l bo‘yi mintaqasi doiralarida belgilangan tartibda ruxsat etilgan faoliyatni amalga oshiruvchi yuridik va jismoniy shaxslar;
Ajratilgan mintaqa — avtomobil yo‘li, uning tegishli konstruktiv elementlari va muhandislik inshootlari, shuningdek avtomobil yo‘lidan foydalanish uchun zarur bo‘lgan binolar, inshootlarni joylashtirish, ihota va manzarali daraxtzorlar barpo etish uchun doimiy foydalanishga qonunchilikda belgilangan tartibda beriladigan yer uchastkasi;
(3-moddaning to‘rtinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
|
| |
