|
Ekologik jihatlarning ahamiyatini baholash
|
| bet | 13/26 | | Sana | 18.05.2024 | | Hajmi | 0,52 Mb. | | #242114 |
Bog'liq 1 ma’ruza kirish rejaEkologik jihatlarning ahamiyatini baholash. Jihatlarning ahamiyatini baholashdan maqsad eng yirik ekologik muammolarni tanlash va ularni qanday hal etish hamda ularni hal etish ustuvorligini aniqlashdan iborat. Bundan tashqari, ekologik faoliyatni rejalashtirish va takomillashtirishda jihatlarning ahamiyatini ham hisobga olish zarur.
Quyidagi hollarda ob’ektning ekologik jihati ustuvor hisoblanadi:
qonunchilik va me’yoriy hujjatlarga zid bo‘lsa (zararli moddalar me’yoriy ruxsat etilgan chegarasidan oshsa);
xamkorlarning shartnoma majburiyatlariga javob bermasa (zaharli moddalar mavjud bo‘lsa);
jamoatchilik tomonidan shikoyatlar paydo bo‘lishiga sababchi bo‘lsa (turar joylarga tutun tarqalsa);
atrof-muhit uchun katta xavf tug‘dirsa (tabiiy suv havzalariga tarkibida zaharli moddalar bo‘lgan oqovalarni chiqarish sodir bo‘lsa);
tashkilotga iqtisodiy zarar keltirsa (atrof-muhitni ortiqcha ifloslanganligi uchun jarimalar joriy etilsa).
Ma’lum bir jihatning muhim ahamiyatga ega ekanligini baholashda quyidagilar inobatga olinishi kerak:
ob’ektning xavflilik darajasi va uning ta’siri;
ekologik cheklovlarga (limitlarga) rioya qilinishi;
ta’sirning davomiyligi;
atrof-muhit va odamlarga ta’sir qilish darajasi (chiqadigan moddalarning toksikligi, tabiiy sharoitda parchalanish davri);
xamkor tomonlarning manfaatlari va talablari.
Bu ishda korxonada amal qilayotgan Qonunchilik va me’yoriy hujjatlar talablarini baholash muhim o‘rin tutadi. Ushbu baholashdan maqsad korxona faoliyati va hujjatlarining huquqiy talablarga mos kelishini ta’minlashdan iborat.
Normativ-huquqiy hujjatlar ro‘yxati uchun shakl namunasi
|
| |
