|
Detallarni korrozivaga qarshi qoplamalar bilan himoyalash
|
| bet | 21/53 | | Sana | 14.05.2024 | | Hajmi | 0,51 Mb. | | #232891 |
Bog'liq Korxona jihozlariDetallarni korrozivaga qarshi qoplamalar bilan himoyalash
Ma’lum muhitlarda korroziyaga yuqori chidamlilikka ega bo‘lgan mavjud ko‘p sonli konstruktsion metallarni qo‘llash ularning narxi yuqoriligi, ishlov berishning murakkabligi va boshqa sabablar tufayli hamma vaqt ham maqsadga muvofiq bo‘lmaydi. Korroziya muhitida ishlaydigan tikuvchilik, to‘qimachilik va yengil sanoat ishlab chiqarish mashinalarining katta qismi narxi yuqori bo‘lmagan materialdan tayyorlanadi.
Bu materiallarning ko‘pchiligi korroziyaga zaruriy chidamlilikga ega emas va ularni korroziyadan himoyalashning asosiy usullaridan biri bo‘lib korroziyaga uchraydigan sirtni himoya qoplamasi bilan qoplash hisoblanadi.
Qoplamalar metall va metallmaslarga bo‘linadi. Ular himoyalanadigan sirt bilan puxta birikkan bo‘lishi, bir tekisdagi qalinlikka ega bo‘lishi va g‘ovakli bo‘lmasligi kerak.
Himoyalash vositalariga shuningdek metalldan yasalgan detallarga elektrokimyoviy va kimyoviy ishlov berishni ham kiritish mumkin bo‘lib, ulardan maqsad detallar sirtida himoya qatlamlari va pardalarini hosil qilishdir.
Metall qoplamalar. Himoyalovchi metall qoplamalar ulardan rux, nikel, xrom, qo‘rg‘oshin, alyuminiy, qalay va boshqa metallardan foydalaniladi. Himoyalovchi metall qatlami turli xil usullar bilan hosil qilinishi mumkin: galvanik, issiqlik, purkash, diffuzion va b.
Qoplama hosil qilishdan oldin metall sirti qum purkash, yog‘sizlantirish uchun organik aralashmalarda yuvish, oksidlarni eritish uchun anorganik kislotalarni eritish va boshqa yo‘llar bilan tozalanadi. Galvanik usul shundan iboratki, himoya qatlami bilan qoplanadigan detal katod sifatida tarkibida metall cho‘kindisining tuzi bo‘lgan eritmada joylashtiriladi. Doimiy tok o‘tishida elektrolitdan himoyalanadigan detalga cho‘kuvchi metall ajraladi. Bu usul detallarni rux, mis, nikel va xrom bilan qoplash imkonini beradi. Uning afzalligi bo‘lib metalning kam sarflanishi, qoplama sifatining yuqoriligi, qoplanayotgan sirt metali bilan qatlamining qalinligini aniq rostlash imkoniyati mavjud. Galvanik qoplashning asosiy kamchiligi bo‘lib, jarayonning uzoq davom etishi hisoblanadi.
Issiq usul shundan iboratki, detallar eritilgan metall bilan vannada himoya qatlami bilan qoplanadi. Bu usul past erish haroratiga ega bo‘lgan metallar (qalay, rux, qo‘rg‘oshin) bilan qoplashda qo‘llaniladi. Issiq usulning afzalligi: oddiylik, yuqori unumdorlik, qoplamaning yuqori sifati. Kamchiligi: metallning ko‘p chiqindiga sarflanishi, qatlam qalinligini rostlashning murakkabligi.
|
| |
