-rasm. Og‘ish bo‘yicha ART ning prinsipial (a) va struktur (b) sxemasi

Og‘ish prinsipi bo‘yicha rostlashga asoslangan ABT ning afzalliklari shundan iboratki, boshqarish jarayoni boshqarilayotgan kattalik qiymatini o‘zgarishining sababiga bog‘liq emas. Chunki har qanday g‘alayonli ta’sir oxir-oqibat boshqarilayotgan kattalikni berilgan qiymatdan og‘ishga olib keladi. Bu tizimning ishlash ketma-ketligi rostlanayotgan parametrni o‘lchash, uni berilgan qiymat bilan taqqoslash va hosil bo‘lgan farqqa nisbatan boshqarish ta’siri ishlab chiqib obyektning rostlash elementiga ta’sir qilishdan iborat. Bunday rostlash prinsipi universial bo‘lib, rostlanayotgan parametrni g‘alayonli barcha ta’sirlarni kompensatsiyalash imkonini beradi.

4. 
   Kombinirlashgan boshqarish prinsipi.
   

Tizimning aniqligi va tezkorligini oshirish maqsadida ABT lari kombinatsiyali rostlash prinsipidan foydalanib ham loyihalanadi. Bunday ABTlarida ham g‘alayonli ta’sir bo‘yicha rostlash prinsipi, ham rostlanayotgan parametrning og‘ishi bo‘yicha rostlash prinsipi qo‘llaniladi. G‘alayonli ta’sir bo‘yicha rostlash rostlagichi yuqori tezlikka ega bo‘lib, asosiy g‘alayonli ta’sirni kompensatsiyalaydi, rostlanayotgan parametrning og‘ishini rostlagich asosiy bo‘lmagan g‘alayonli ta’sirlarni kompensatsiyalaydi va rostlash aniqligini ta’minlash uchun xizmat qiladi.