|
15-mavzu: muammoli ta'lim texnologiyasi reja
|
| bet | 1/6 | | Sana | 28.01.2024 | | Hajmi | 89,18 Kb. | | #147381 |
Bog'liq 15 (2)
15-MAVZU: MUAMMOLI TA'LIM TEXNOLOGIYASI
Reja:
Muammoli ta'lim texnologiyasi va uning qo'llanilishi.
Muammoli ta'lim metodi va undan foydalanish. Muammoli o'qitishning mazmun mohiyati.
Ta'limdagi muammolarni aniqlash va uning yechimlarini topish.
Keys texnologiyasi va keys metodi.
Tayanch iboralar: muammoli ta’lim, muammol ta’lim texnologiyalari, muammo, muammoli vaziyat, yechim.
Muammoli ta'lim texnologiyasi va uning qo'llanilishi.
Muammoli ta’lim texnologiyalarining o‘qitishdagi ahamiyati. Talabalarda ijodiy izlanish, kichik tadqiqotlarni amalga oshirish, muayyan farazlarni ilgari surish, natijalarni asoslash, ma’lum xulosalarga kelish kabi ko‘nikma va malakalarni shakllantirishga xizmat qiladigan ta’lim muammoli ta’lim deb ataladi.
Muammoli ta’limning ilk g‘oyalari amerikalik psixolog va pedagog J.Dyui (1859-1952 yy.) tomonidan asoslangan. U 1894 yilda Chikagoda o‘qitish o‘quv rejasi bo‘yicha emas, balki o‘yin va mehnat asosida olib boriladigan tajriba maktabini tashkil etgan.
J.Dyui muammoli ta’lim asosi sifatida quyidagi yo‘nalishlarni belgilagan:
ijtimoiy;
konstruktiv;
badiiy ifodaviy;
ilmiy-tadqiqot.
Muallif ko‘rsatilgan yo‘nalishlarda ta’limni tashkil etish uchun quyidagi vositalardan foydalangan:
so‘z;
san’at asarlari;
texnik qurilmalar;
o‘yinlar;
mehnat.
O‘tgan asrning 60-yillarida esa muammoli ta’lim L.Rubinshteyn, M.I.Maxmutov, V.Okon, I.Ya.Lerner kabi tadqiqotchilarning qarashlari negizida yanada rivojlangan. S.L.Rubinshteynning “Tafakkur muammoli vaziyatdan boshlanadi” degan g‘oyasi muammoli ta’limning psixologik asosi sifatida qabul qilingan.
|
| |
