2-rasm. Web ilovalar qurilish klassifikatsiyasi
Hujjatlar orasidagi aloqani ta’minlash va ma’lumotlarni formatlash vositalari teg (tag) deb
ataluvchi vosita orqali amalga oshiriladi.
XML (eXtensible Markup Language). XML tili ham HTML tiliga o’xshash til hisoblanadi.
HTML dan
farqli tomoni shundaki, XML da dasturchi o’zining shaxsiy
teglarini yaratadi va ular
orasiga ma’lumotlar joylashtiradi. XML-teglar harflar katta kichikligini farqlaydi.
XHTML (eXtensible HyperText Markup Language). XHTML tili
HTML va XML tillarining
birlashmasini tashkil etadi. XHTML tilida yozilgan hujjatning tashqi ko’rinishi platformaga bog’liq
(Windows, Mac yoki Unix) ravishda o’zgarib ketmaydi. Shunga qaramay XHTML tarkibida HTML
diskriptorlardan foydalaniladi.
Bugungi kunda mobil aloqa vositalaridan foydalanuvchilar uchun yangi til ishlab chiqilgan
bo’lib, u WML (Wireless Markup Language)
deb ataladi; CDF (Channel Definition Format) -
Microsoft ishlab chiqqan brauzerlarda push-kanal hosil qilishda qo’llaniladi.
Web dasturlash texnologiyalari, ssenariyli tillar “Mijoz-server” texnologiyasi
Mijoz tomonidagi ssenariylar. Mijoz tomonidagi ssenariylar
foydalanuvchi tomonidan
kiritilayotgan ma’lumotlarni to’g’riligini serverga murojaat qilmasdan tekshiradi. Ko’p hollarda bu
ssenariylar JavaScript va VBScript tillarida yoziladi.
JavaScript (Dasturlash tili). JavaScript – bu til Netscape va Sun Microsystems tomonidan
yaratilgan bo’lib, Web-sahifaning funksional imkoniyatlarini orttirish maqsadida qo’llaniladi.
