|
PEDAGOGIK MAHORAT 3 (79) 2021
Pdf ko'rish
|
| bet | 146/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yilPEDAGOGIK MAHORAT 3 (79) 2021
112
11. Ma’naviy qadriyatlar.
12. Axloqiy qadriyatlar.
13. Diniy qadriyatlar.
14. Oilaviy qadriyatlar.
15. Demokratik qadriyatlar va h.k.
Ayni damda barcha sohalarda shiddat bilan rivojlanib borayotgan davlatimiz tomonidan xalq og‘zaki
ijodi va milliy qadriyatlarga boʻlgan e’tibor yanada oshirilib borilmoqda.
Hurmatli Prezidentimiz Shavkat Miromonovich Mirziyoyev oʻzining 2017-yil 22-dekabrda Oliy
Majlisga murojaatnomasida milliy-ma’naviy qadriyatlarimizni yanada rivojlantirish borasida davlatimiz
tomonidan amalga oshirilayotgan olamshumul harakatlar haqida yig‘ilish qatnashchilariga quyidagilarni
bayon qilgan edi: Ma’naviy hayotimizda muhim voqea boʻlgan ana shunday loyihalar haqida gapirganda,
Oʻzbekistondagi Islom sivilizatsiyasi markazi, Imom Buxoriy va Imom Termiziy nomlaridagi xalqaro ilmiy-
tadqiqot markazlari, Islom akademiyasi kabi ilmiy-ma’rifiy muassasalar faoliyatini yoʻlga qoʻyish ishlari
boshlanganini alohida qayd etish zarur. Shular qatorida buyuk allomalarimizning yodgorlik majmualari
qoshida hadisshunoslik, islom huquqshunosligi, tasavvuf, kalom va aqida ilmi kabi diniy-ma’rifiy
yoʻnalishlarni oʻrganish boʻyicha maxsus maktablar tashkil etildi. Albatta, bizning bu ishlarimiz chuqur
ilmiy va amaliy asoslarga ega.
Ma’lumki, qadimiy madaniyat va sivilizatsiyalar chorrahasi boʻlgan yurtimiz zaminidan oʻrta asrlarda
minglab olimu ulamolar, buyuk mutafakkir va shoirlar, aziz-avliyolar yetishib chiqqan. Ularning aniq fanlar
va diniy ilmlar sohasida qoldirgan bebaho merosi, butun insoniyatning ma’naviy mulki hisoblanadi. Hozirgi
kunda Oʻzbekistonimizning kitob fondlarida 100 mingdan ziyod qoʻlyozma asarlar saqlanmoqda. Afsuski,
bu nodir kitoblar hali toʻliq oʻrganilmagan, ular olimlar va oʻz oʻquvchilarini kutib turibdi. Ushbu noyob
asarlarda bugungi davr oʻrtaga qoʻyayotgan juda koʻp dolzarb muammolarga javob topish mumkin. Xususan,
islom dinining asl insonparvarlik mohiyatini chuqur ochib beradigan, barcha odamlarni ezgulik, mehr-oqibat
va hamjihatlik yoʻlida birlashishga da’vat etadigan teran ma’noli fikr va g‘oyalar bugun ham oʻz qimmati va
ahamiyatini yoʻqotgan emas. Lekin biz ana shunday noyob meros vorislari, shunday boylik egalari
boʻlaturib, ularni har tomonlama oʻqish-oʻrganish, xalqimiz, avvalo, unib-oʻsib kelayotgan yoshlarimizga,
jahon hamjamiyatiga yetkazish boʻyicha, yetarli ish qilmaganimizni ham ochiq tan olish kerak. Biz diniy
jaholatga, zararli oqimlarga qarshi ma’rifat bilan kurashish kerakligi haqida koʻp gapiramiz. Bu toʻg‘ri,
albatta. Lekin ma’rifat, ma’rifiy bilimlar qayerda – avvalo ota-bobolarimiz bizga qoldirib ketgan mana
shunday moʻ’tabar kitoblarda emasmi? [1] degan edilar. Xalqimiz tamonidan avloddan-avlodga oʻtib
kelayotgan xalq og‘zaki ijodi va milliy qadriyatlarimizni asrab-avaylash va uni rivojlantirish boʻyicha
mamlakatimizda muayyan ishlar amalga oshirilmoqda.
Xulosa oʻrnida shuni aytish mumkinki milliy qadriyatlar va xalq og‘zaki ijodi faqat oʻz xalqi
qadriyatini ardoqlash, koʻz-koʻz qilish va boshqalar orasiga yoyish uchun intilishga asoslanmaydi, balki har
bir xalq, elat, urug‘ qadriyatlarini hurmat qilish qanday holatda boʻlsa, shundayligicha qabul qilib, ularga
ehtirom koʻrsatish, umuman olganda, umuminsoniylikni tarannum etishi lozim. Yurtimizda xalq og‘zaki
ijodi va milliy qadriyatlarga oid olib borilayotgan ishlarining barchasi dunyo ahliga manzur boʻlib,
davlatimiz tamonidan olib borilayotgan bu kabi islohatlarga havas bilan qarashmoqda. Shu oʻrinda milliy
qadriyatlarni tarannum etuvchi xalqaro festivallarda qatnashish uchun yurtimizga oshiqmoqdalar. Shunday
ekan, biz ham yurtimizdagi ushbu islohotlarni targ’ib qilishimiz va yoshlarimizni milliy qadriyatlar asosida
tarbiyalashda jonbozlik koʻrsatishimiz lozim.
|
| |
