|
Key words: emotional development, stability of emotions, feelings aimed at cognition, sympathy, a
sense of anxiety.
Kirish
Pdf ko'rish
|
| bet | 153/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yilKey words: emotional development, stability of emotions, feelings aimed at cognition, sympathy, a
sense of anxiety.
Kirish. Mamlakatimizda amalga oshirilayotgan keng qamrovli tub islohotlarning muhim
yoʻnalishlaridan biri yosh avlodning ta’lim-tarbiyasi boʻlib hisoblanadi. Bugungi kunda uzluksiz ta’lim
tizimining dastlabki boʻg‘ini boʻlgan maktabgacha ta’lim yaxlit ta’lim jarayonining samaradorligini
ta’minlaydigan muhim bosqichga aylandi.
Bolalarni axloqiy-ma’naviy tarbiyalashni aynan ularni ijtimoiy-hissiy rivojlantirishdan boshlash zarur.
Zero, agar muloqot ishtirokchilari, birinchidan, suhbatdoshlarining hissiy holatini anglamasa, ikkinchidan,
oʻzlarining hissiyotlarini samarali boshqarishni bilmasa, hech qanday muloqot, hech qanday oʻzaro ta’sir
ijobiy natija bermasligi mumkin. Oʻzining emotsiya va hissiyotlarini tushunish, anglash oʻsib kelayotgan
shaxsning shakllanishida muhim bosqich boʻlib hisoblanadi. Maqolada ushbu psixologik xususiyatlar
atroflicha tahlil etilgan.
Asosiy qism. Tarixiy-pedagogik tahlillarning koʻrsatishicha, emotsional rivojlanish, inson hayotida
emotsiyalarning roli, ularning bola xulq-atvori va shaxs sifatida shakllanishiga ta’siri masalasi qadimdan
tadqiqotchilarni qiziqtirib kelgan. Jumladan, Demokrit va Platon hissiyotlarning inson faoliyatida
yoʻnaltiruvchi roliga e’tibor qaratishdi, Arastu esa affektlar nazariyasini va undan ogohlantirish usullarini
ishlab chiqdi.
Bolalarni emotsional rivojlantirish muammosi keyingi yillarda yangi oʻqitish talablari va standartlari
kiritilishi bilan yanada dolzarblik kasb etmoqda. Bundan tashqari, bolalarni kichik yoshda emotsional
rivojlantirishning murakkabligi masalaning yanada muhimligini ta’kidlaydi. Bu borada olimlar va
amaliyotchilar V.V.Davidov, N.S.Ejkova, A.B.Zaporojes, Ya.Z.Neverovich, O.L.Knyazeva, I.O.Karelina,
A.D.Kosheleva, N.S.Leytes, V.G.Rajnikov, L.P.Strelkova, N.S.Ulyanova va boshqalar oʻz tadqiqotlarida
uqtirib oʻtishgan.
Emotsiyalar real borliqni obyektiv aks ettirish va unda toʻg‘ri moʻljal olish uchun bolalar hayotida
muhim rol oʻynaydi. Shu bois kattalar, ya’ni, ota-ona va tarbiyachilar bolalar bilan izchil va iliq emotsional
munosabatlarni oʻrnatishga harakat qilishlari zarur. Zero, boshqa insonlar bilan oʻzaro muloqot va
munosabatlar, ularning xatti-harakatlari maktabgacha yoshdagi bolalar hissiyotlari shakllanishi uchun muhim
manba hisoblanadi.
Emotsiyalar subyekt faoliyatini aniqlashtiradi, tashkillashtiradi, ruhlantiradi va baholaydi.
Emotsiyalarni rivojlantirish muammosi, ularning motiv sifatida paydo boʻlishi hamda yoʻnaltiruvchi roli
pedagogika va psixologiyaning dolzarb muammolaridan sanaladi. Binobarin, ular nafaqat bolalar psixikasi
va uning alohida qirralari rivojlanishining umumiy qonuniyatlari borasida, balki, maktabgacha yoshdagi
bolaning shaxs sifatida shakllanishi xususiyatlari borasida ham yetarlicha tasavvurlar beradi.
https://buxdu.uz
|
|
Bosh sahifa
Aloqalar
Bosh sahifa
Key words: emotional development, stability of emotions, feelings aimed at cognition, sympathy, a
sense of anxiety.
Kirish
|
