Uslub didaktikaning qismi bo‘lib, o‘z navbatida
pedagogikaning qismidan
iborat. Shuning uchun unda pedagogikaning tadqiqot uslublari foydalaniladi,
didaktikaning qonun va tamoyillari (faollik; o‘qitishda nazariya bilan amaliyotni
bog’liqligi; ko‘rgazmalilik; o‘qitishning
tarbiyalovchi xarakteri; ilmiylik;
o‘qitishda
muntazamlilik va izchillik; o‘qitishning tushunarli bo‘lishi;
namunalardan foydalanish; o‘quvchilarning shaxsiy xususiyatlarini hisobga olish;
bilim, ko‘nikma va malakalarni o‘zlashtirishning puxta bo‘lishi va didaktik
reduktsiya tamoyillari) bajariladi.
Faollik tamoyili.
O‘quvchilar har bir
darsga faol qatnashishi kerak, chunki
o‘quvchi qandaydir ish bajarsa, bilimni ongli o‘zlashtiradi va u xotirasida chuqur
o‘rnashib qoladi. Natijada o‘quvchi bilimni yaxshiroq va chuqurroq o‘zlashtiradi,
eslab qoladi va uning fanga qiziqishi ortadi.
Nazariyaning o‘qitish amaliyoti bilan bog’liqligi tamoyili.
Ilmiy bilimlar
faoliyatga xizmat qilganligi va hayot bilan bog’langanligi sababli,
bu bilimlarni
egallash uchun ularning mazmunini o‘zlashtirib olishgina emas, balki bilimlarni
amalda qo‘llay bilish ham zarur.
O‘quvchilarni amaliy faoliyatga tayyorlash nazariy bilimlar berish jarayonida
boshlanadi, keyinchalik u tajriba va amaliy mashg’ulotlarda davom ettiriladi. Bu
mashg’ulotlarda o‘quvchilar o‘qituvchi rahbarligida tajribadan olingan
bilimlarning ishonarli
ekanligini tekshiradilar, ularni mustahkamlaydilar hamda
ularda shu bilimlarni amalda qo‘llash ko‘nikmalari va malakalari hosil bo‘ladi.
