Ifloslovchi moddaning ishchi zonasi atmosfera havosidagi TTXD (taʹsirning
taxminiy xavfsizlik darajasi) - 3 yil muddatga belgilanadigan vaqtinchalik gigiyenik
meʹyor boʹlib, ushbu muddat davomida REK qayta koʹrib chiqilishi
yoki almashtirilishi
kerak. TTXD 1 m3 havodagi moddaning mg miqdorida (mg/m3) ifodalanadi.
REK ni ishlab chiqishdagi asosiy usul hayvonlar bilan toksikologik tajriba boʹlib,
hayvonlar maxsus boʹlmalarda oʹrganilayotgan zaharli moddalarning turli kontsen-
tratsiyalari bilan taʹsirlanadilar. Tajribada anʹanaviy hayvonlar – sichqonlar, kalamushlar,
quyonlar, dengiz choʹchqalari ishtirok etadi. Toksikologik tajriba olib borish bilan bir
vaqtda toksik moddaning miqdorini muntazam nazorat qilish uchun miqdoriy kimyoviv
tahlil usuli ishlab chiqiladi.
Suvda ifloslovchi moddaning ruxsat eiilgan kontsentratsiyasi. REK - moddaning
suvdagi shunday eng yuqori konsentrasiyasiki, u shu miqdorda organizmga tushganda
butun umr davomida hozirgi va keyingi avlodlarga toʹgʹridan-toʹgʹri yoki bilvosita noxush
taʹsir koʹrsatmaydigan, insonning mehnat qobiliyatini pasaytirmaydigan, uning ahvolini
va yashash turmushining sanitariya-maishiy sharoitlarini yomonlashtirmaydigan
konsentratsiyasidir. REK kattaliklari 1 L suvdagi mg da ifodalanadi (mg/L).
Kimyoviy moddaning xoʹjalik-ichimlik va madaniy-maishiy suv obyektlari suvidagi
ruxsat etilgan kontsentratsiyasi TTRD (taʹsirning taxminiy ruxsat etilgan darajasi)
vaqtinchalik gigiyenik normativdir. TRI) toksiklik bashoratining hisob-kitob va ekspress
eksperimental usullari asosida ishlab chiqiladi va 3
yillik muddatga belgilanadi, muddat
tugagandan soʹng u qayta koʹrib chiqiladi yoki REK oʹzgartiriladi. REK singari, u ham
mg/L da ifodalanadi.