18
Probirkada moddalarni qizdirish
Qizdirish jarayonida probirkadan biror modda sachrab shikast yetkazmasligi uchun
probirkani isitish asbobi alangasi ustida qiyshaytirilgan, probirka og‘zini o‘zingiz va sinf-
doshlaringizdan uzoqda tutgan holda qizdiring. Jarayonda probirkani pastdan yuqoriga,
so‘ngra yuqoridan pastga tomon ehtiyotkorlik bilan qizdiring, buni bir necha marta
takrorlang. Keyin probirkada modda joylashgan qismi qizdiriladi.
Gaz gorelkalarining umumiy tuzilishi. Gaz
gorelka -
lari metall nay, aralash tirgich,
havo yoki kislorod oqimini
me’yorlash tiruvchi halqa, gaz oqimini me’yorlashtiruvchi
qotirgichdan iborat bo‘ladi.
Gaz gorelkasini yoqish va o‘chirish. Halqa va
vint yordamida gaz va havo oqimi me’yorlashtiriladi.
Gorelkani yoqish uchun gugurt yoki yonib turgan cho‘p
gaz jo‘mragi ochilgan holda gorelka og‘ziga yon tomondan
yaqinlashtiriladi. To‘g‘ridan to‘g‘ri
olib kelinsa, gaz oqimi
alangani o‘chirib qo‘yishi mumkin. Havo oqimi gaz to‘la
yonadigan qilib moslanadi. Gazning to‘la yonayotganini
nursiz alangadan bilib olish mumkin. Gorelkani o‘chirish
uchun gaz jo‘mragini teskari
tomonga oxirigacha burash
kerak.
