|
7 sinf ximiya indd
Pdf ko'rish
|
| bet | 89/157 | | Sana | 01.02.2024 | | Hajmi | 66,04 Mb. | | #150134 |
Bog'liq 7-sinf KIMYO 2022IV BOB. 7-MAVZU.
Amaliy mashg‘ulot.
Alanga tuzilishi va moddalarning kislorodda
yonishi
O‘rganiladigan natijalar
• Alanga tuzilishi
• Kislorod olish va uni yig‘ish
• Oddiy moddalar yonishi
• Murakkab moddalar yonishi
• Alangani o‘chirish
Alanga qanday hosil bo‘ladi?
Har xil turdagi yoqilg‘ining yonishi odatda alanga bilan namoy-
on bo‘ladi. Alanga yonayotgan gazlar yoki bug‘lardir. Olovning tu-
zilishini o‘rganish uchun biz spirt lampasidan foydalanamiz.
Alanganing uchta qismi mavjud:
– alanganing yuqori qismi – chetlari xira, eng issiq qismi;
– alanganing o‘rta qismi ravshan, issiq qismi;
– alanganing pastki qismi – juda xira, issiq bo‘lmagan, pilikka
yaqin qismi.
Alangada sodir bo‘ladigan kimyoviy jarayonlar
Alanganing pastki qismida (3) gazlar (yonish paytida hosil
bo‘lgan) havo bilan aralashadi. Agar siz gugurt boshini alangan-
ing bu qismiga olib kelib, uni bir muddat ushlab tursangiz, gugurt
darhol yonmaydi. Bu nisbatan eng sovuq zona.
Alanganing o‘rta qismi (2) eng yorqin. Buning sababi shunda-
ki, yuqori harorat ta’sirida spirt o‘z ichiga olgan mahsulotlarning
parchalanishi sodir bo‘ladi, hosil bo‘lgan qattiq mayda zarracha-
lar qiziydi va yorug‘lik chiqaradi. Alanganing o‘rta qismidagi haro-
rat pastki qismiga qaraganda yuqori.
Alanganing yuqori qismida (1) karbonat angidrid va suv hosil
bo‘lishi bilan gazlarning to‘liq yonishi amalga oshadi. Natijada, bu
qismdagi olov yorqin bo‘lmaydi, lekin eng yuqori harorat yuzaga
keladi.
Kimyoviy tajribalar paytida moddalarni alanganing haro-
rati eng yuqori bo‘lgan qismida qizdirish kerak.
1-tajriba
Spirt lampasini yoqib, o‘chirib ko‘ring.
1. Spirt lampasini gugurt cho‘pi bilan yoqing.
2. Spirt lampasini o‘chirishda pilik qalpoqchani
yoping.
|
| |
