"Metrologiya to’g’risida"gi qonunning asosiy tamoyillari

12 
Qonun respublikamiz mustaqillikni qo’lga kiritgandan keyingi o’zgarishlar, 
strategik va ustivor yo’nalishlar, jumladan bozor munosabatlarining shakllanishi 
nuqtai nazaridan ishlab chiqilgan. 
Hujjatda asli, iste’molchilarning huquqlarini himoya etish asosiy maqsad 
etib qo’yilgan bo’lib, bu huquqiy davlatlarda turgun qonunlar vositasida 
boshqarilib turadi. 
“Metrologiya to’g’risida”gi qonun 5 bo’limdan iborat bo’lib, bu bo’limlar 21 
moddani o’z ichiga oladi. Unda Respublikamizda metrologiya xizmatini yo’lga 
qo’yish, bunda jismoniy va yuridik shaxslarning ishtiroki va vazifalari, bu boradagi 
javobgarliklar bo’yicha keng ma’lumotlar berilgan. 
Qonunda o’lchash vositalarini davlat sinovlaridan o’tkazish, ularning 
turlarini tasdiqlash va davlat ro’yxatiga kiritish Uzstandart tomonidan amalga 
oshirilishi ko’rsatilgan. 
“Metrologiya to’g’risida”gi qonunning bo’limlari quyidagicha nomlangan: 
1-bo’lim. Umumiy qoidalar. 
2-bo’lim. Fizik o’lcham birliklari, ularni qayta hosil qilish va qo’llash. 
3-bo’lim. O’zbekiston Respublikasining metrologiya xizmatlari. 
4-bo’lim. Davlat metrologiya tekshiruvi va nazorati. 
5-bo’lim. Metrologiya ishlarini moliyaviy ta’minlash. 
Qonunning I – bo’limi 1 – 4 modda va 4 moddaga qo’shimcha moddadan 
tashkil topgan bo’lib, u asosiy tushunchalar; metrologiya to’g’risidagi qonun 
hujjatlari; xalqaro shartnomalar va bitimlar; metrologiyaga oid faoliyatni davlat 
tomonidan boshqarish; o’lchovlarning yagona birlikda bo’lishini ta’minlashga oid 
normativ hujjatlarga bag’ish-langan. 
Qonunning II – bo’limi 5 – 8 moddalardan tashkil topgan bo’lib, bu 
moddalar fizik o’lcham birliklari; fizik o’lchamlar birliklarining etalonlari; o’lchov 
vositalari, o’lchovlarni bajarish uslubiyotlariga bag’ishlangan. 
Qonunning III – bo’limi 9 – 11 moddalardan tashkil topgan va O’zbekiston 
Respublikasi metrologiya xizmatining tuzilishi; davlat metrologiya xizmati; 
yuridik shaxslarning metrologiya xizmatlariga tegishli ma’lumotlar keltirilgan,

13 
Qonunning IV – bo’limi 12 – 19 modda va 18 moddaga qo’shimcha 
moddadan tashkil topgan bo’lib, unda davlat metrologiya tekshiruvi va nazo-ratini 
o’tkazish tartibi; davlat metrologiya tekshiruvi va nazorati ob’yektlari; davlat 
metrologiya tekshiruvi va nazorati tatbiq etiladigan doiralar; davlat metrologiya 
tekshiruvi va nazorati turlari; o’lchov vositalarining turlarini tasdiqlash; o’lchov 
vositalarini tekshiruvdan o’tkazish, o’lchov vositalarini kalibrlash; o’lchov 
vositalarini tayyorlash, realizatsiya qilish va ularning ijarasi bilan shug’ullanish 
uchun yuridik va jismoniy shaxslarning faoliyatiga litsenziya berish; metrologiya 
ishlari va xizmatlarini amalga oshirish huquqi bilan ta’minlash uchun yuridik va 
jismoniy shaxslarni akkreditatsiya qilish; metrologiya normalari va qoidalarini 
buzganlik uchun javobgarliklar keltirilgan 
Qonunning V - bo’limi 20 – 21 moddalardan iborat va unda davlat 
tomonidan albatta moliyaviy ta’minlash; metrologiya ishlari va xizmatlari uchun 
haq to’lash tartiblari keltirilgan. 
Qonunda metrologiya sohasidagi atamalar va ta’riflar, davlat boshqaruv 
vakolatli idorasining faoliyat sohasi, fizik kattaliklarning birliklari, ularni qayta 
tiklash va qo’llanish, O’zbekiston Respublikasining metrologik xizmatlari, davlat 
metrologik tekshiruv va nazorati, metrologiya bo’yicha ishlarni moliyalashtirish 
belgilangan. 
Metrologiyada quyidagi asosiy tushunchalar qo’llanilgan: 

metrologiya – o’lchovlar, ularning yagona birlikda bo’lishini 
ta’minlash usullari va vositalari, hamda talab qilinadigan aniqlikka erishish yo’llari 
haqidagi fan; 

yagona o’lchov birligi – o’lchovlarning natijalari qonunlashtirilgan 
birlikda aks ettirilgan va xatoliklari berilgan ehtimollikda ma’lum bo’lgan o’lchov 
holati; 

o’lchov vositasi – o’lchovlar uchun foydalaniladigan normalangan 
metrologik xususiyatga ega bo’lgan texnika vositasi; 

14 

birlik etaloni – fizik o’lcham birligini boshqa o’lchov vositalariga 
o’tkazish maqsadida uni qayta hosil qilish va saqlash uchun mo’ljallangan o’lchov 
vositasi; 

davlat etaloni – vakolat berilgan milliy organning qarori bilan 
O’zbekiston Respublikasi hududida o’lchov birligining o’lchami sifatida e’tirof 
etilgan etalon; 

metrologiya xizmati – davlat organlari va yuridik shaxslarning 
metrologiya xizmatlari tarmog’i hamda ularning o’lchovlari yagona birlikda 
bo’lishini ta’minlashga qaratilgan faoliyati; 

o’lchov vositalarini tekshiruvdan o’tkazish – o’lchov vositalarining 
belgilab qo’yilgan texnik talablarga muvofiqligini aniqlash va tasdiqlash 
maqsadida davlat metrologiya xizmati organlari tomonidan bajariladigan 
operatsiyalar majmui; 

o’lchov vositalarini kalibrlash – metrologik jihatlarning haqiqiy 
qiymatlarini va o’lchov birliklarining qo’llashga yaroqliligini aniqlash hamda 
tasdiqlash maqsadida kalibrlash laboratoriyasi bajaradigan operatsiyalar majmui. 
“Metrologiya to’grisida”gi Respublika qonunining eng ahamiyatli 
tomonlaridan biri - quyida keltirilayotgan holatlarning oldini olishdir: 

ishonchsiz o’lchash asboblarining yoki uslublarining qo’llanilishi 
texnologik jarayonlarning izdan chiqishiga sababchi bo’lib, bundan tashqari, 
energetik resurslar asossiz sarflanib, avariya holatlari va brak mahsulot kelib 
chiqishi mumkin; 

o’lchashlarning ishonchli natijalarini olishga katta sarf-harajatlar 
ketishi (rivojlangan davlatlarda o’lchashlarga yalpi daromadning 6 %i sarflanadi); 

iqtisodiy boshqaruvdagi o’zgarishlar metrologiyadagi tashkiliy 
o’zgarishlarga olib keladi. 
Va nihoyat, mazkur qonun metrologiya sohasida xalqaro hamkorlikning 
qonuniy asoslarini mustahkamlab, quyidagi amallarga munosib zamin yaratadi: 

15 

alohida yondoshuvdagi xalqaro shartnomalar bo’yicha majburiyatlarni 
qo’llab-quvvatlash; 

O’zbekiston Milliy metrologiya markazining xalqaro tashkilotlardagi 
obro’sini yanada oshirish; 

ikkiyoqlama va ko’pyoqlama tashqi iqtisodiy munosabatlardagi turli 
texnikaviy to’siklarni bartaraf etish maqsadida o’tkaziladigan sinovlar, qiyoslash 
va kalibrlash uchun sharoitlar yaratish. 
O‘lchashlar birliligi o‘lchash holati sifatida belgilangan. Bunda o‘lchash 
natijalari qonunlashtirilgan birliklarda ifodalanadi va o‘lchashlarning xatoliklari 
belgilangan ehtimollik bilan berilgan. 
Metrologiyaga oid faoliyatni davlat tomonidan boshqarishni metrologiya 
bo’yicha milliy organ – O’zbekiston Respublikasi Vazirlar Mahkamasi huzuridagi 
O’zbekiston Davlat standartlash, metrologiya va sertifikatsiya agentligi 
"O’zstandart" amalga oshiradi. 
O’zbekiston Respublikasi metrologiya xizmati, davlat metrologiya 
xizmatidan va yuridik shaxslarning metrologiya xizmatlaridan tarkib topadi. 
Davlat metrologiya xizmati organlari, davlat metrologiya tekshiruvi va 
nazoratini, shuningdek faoliyatning boshqa turlarini amaldagi qonun hujjatlariga 
muvofiq amalga oshiradi. 
Yuridik shaxslarning metrologiya xizmatlari zarurat bo’lgan hollarda 
o’lchovlarning yagona birligini ta’minlash bo’yicha ishlarni bajarish va 
metrologiya nazoratini amalga oshirish uchun tuziladi. 
Davlat metrologiya tekshiruvi va nazorati davlat metrologiya xizmati 
organlari tomonidan metrologiya normalari va qoidalariga rioya etilishini 
tekshirish maqsadida amalga oshiriladi. Quyidagilar davlat metrologiya tekshiruvi 
va nazoratining ob’yektlari hisoblanadi: 

etalonlar; 

o’lchov vositalari; 

16 

moddalar va materiallar tarkibi hamda xossalarining standart 
namunalari; 

axborot-o’lchov tizimlari; 

o’lchovlarni bajarish uslubiyatlari; 
Davlat tomonidan quyidagilar: 

metrologiyani rivojlantirish istiqbollarini ishlab chiqish; 

metrologiya sohasida rasmiy axborotlar bilan ta’minlash; 

metrologiya bo’yicha xalqaro, mintaqaviy tashkilotlarning ishida 
qatnashish va metrologiya bo’yicha chet el milliy xizmatlari bilan ishlar bajarish; 

metrologiya sohasidagi normativ hujjatlarni ishlab chiqish; 

metrologiya bo’yicha umumdavlat ahamiyatiga molik ilmiy-tadqiqot 
va o’zga ishlarni o’tkazish; 

o’lchovlarning yagona birligini ta’minlashga doir "O’zstandart" 
agentligi tomonidan tasdiqlanadigan normativ hujjatlarni ishlab chiqish; 

fizik o’lcham birliklarining etalonlarini va o’ta aniq namunaviy 
o’lchov vositalarini ishlab chiqish, takomillashtirish, yasash, saqlash, qo’llash, 
sotib olish va asrash, shuningdek ularning xalqaro darajada solishtirilishini 
ta’minlash; 

davlat metrologiya tekshiruvi va nazoratiga doir ishlar albatta 
byudjetdan moliyaviy ta’minlanishi shart. 

Download 2.29 Mb.