Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi tomonidan 2014 yil davomida amalga oshirilgan ishlar to‘g‘risida ma’lumot

Telekommunikatsiyalar tarmog‘ini rivojlantirish, samaradorligini oshirish, xizmatlar ko‘rsatish sifatini yaxshilash va iste’molchilar huquqlarini himoya qilish maqsadida Inspeksiya “O‘zbektelekom” AK, “O‘zI” QKsi va “O‘zbektelekom” AKning “Telekommunikatsiya Transport Tarmog‘i” filiali bilan hamkorlikda o‘rganishlar o‘tkazish bo‘yicha kelishuvlar imzoladi va kelishuvlarga asosan 2014 yil davomida “O‘zbektelekom” AK Qoraqolpog‘iston Respublikasi filiali, “O‘zbektelekom” AK Farg‘ona filiali, “O‘zI” QKsining “O‘zI-Samarqand” filiali, “O‘zbektelekom” AK “Telekommunikatsiya Transport Tarmog‘i” filialining Cirdaryo viloyatidagi uchinchi, Navoi viloyatidagi o‘ninchi va Surxondaryo viloyatidagi yettinchi bog‘lamalarida hamda “O‘zbektelekom” AK filiallarining 45 ta tuman telekommunikatsiya bog‘lamalarida o‘rganishlar o‘tkazildi.

Hamkorlikda o‘tkazilgan o‘rganishlar davomida aniqlangan kamchiliklarni bartaraf etish yuzasidan xo‘jalik yurituvchi sub’ektlar tomonidan ishlab chiqilgan chora-tadbir rejalarining bajarilishi nazoratga olingan.