Kadrlar bilan ishlash va malaka oshirish bo‘yicha 2014 yil davomida amalga oshirilgan ishlar yuzasidan ma’lumot

Inspeksiyada tasdiqlangan shtatlar jadvaliga asocan 2015 yil 1 yanvar xolatiga 217 ta shtat birligi mavjud bo‘lib xodimlar soni 204 nafarni tashkil etadi. Shundan 2014 yil davomida 45 nafar xodim bilan mehnat shartnomalari tuzildi, 44 nafar xodimlar bilan tuzilgan mehnat shartnomasi (o‘z xohishiga ko‘ra) bekor qilindi.

Inspeksiya va uning xududiy bo‘linmalaridagi oliy ma’lumot talab qilinadigan barcha lavozimlar O‘zbekiston Respublikasi Vazirlar Mahkamasining 2010 yil 20 avgustdagi 181- son qarori talablari asosida to‘ldirilgan.

Hozirgi kunda Inspeksiya va uning xududiy bo‘limlarida bo‘sh vakant joylar mavjud. Har oy yakuni bo‘yicha Shayxontohur tumani Bandlikka ko‘maklashish markaziga (bo‘sh ish joylari to‘g‘risida) hisobot taqdim etiladi. Inspeksiya veb-saytida bo‘sh (vakant) lavozimlarga xodimlarni jalb etish uchun tegishli ma’lumotlar joylashtirilgan va belgilangan muddatlarda yangilanib turilmoqda.

“Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasining kadrlar malakalarini oshirish, o‘qitish va qayta o‘qitish 2014 yil rejasi” hamda “Axborot-kommunikatsiya texnologiyalari sohasini nazorat qilish yo‘nalishidagi Inspeksiyaning tegishli bo‘limlari va hududiy bo‘linmalarida mavjud bo‘sh ish o‘rinlarini bilimli mutaxassislar bilan to‘ldirish hamda xodimlar malakasini oshirish buyicha chora-tadbirlar rejasi”tasdiqlangan.

Ushbu rejalarga asosan 2014 yil davomida Inspeksiya tomonidan 138 nafar xodimlar malakasini oshirgan va turli seminarlarda qatnashdi.

Toshkent axborot texnologiyalari universiteti va soxaga biriktirilgan KXKlari bilan xamkorlikda ishlar olib borilmoqda.

Moliyaviy sanksiyalar bo‘yicha

2014 yilda aloqa sohasidagi korxonalar tomonidan taqdim etilgan xizmatlar sifati buzilganligi uchun 144 352 741 so‘m (bir yuz qirq to‘rt million uch yuz ellik ikki ming yetti yuz qirq bir) moliyaviy sanksiyalar hisoblangan