| Pochta aloqasi yo‘nalishida
“O‘zbekiston pochtasi” aksiyadorlik jamiyati bilan 2014 yilda hamkorlikda ishlash yuzasidan Kelishuv imzolanmaganligi sababli o‘rganishlar o‘tkazilmagan.
Mijozlarga ko‘rsatilayotgan universal pochta aloqasi xizmatlari sifatini nazorat qilish maqsadida 2014 yil davomida Respublika bo‘yicha “O‘zbekiston pochtasi” AJ pochta aloqasi tarmoqlari, aloqa bo‘limlari va pochta qutilari orqali jami 3136 ta nazorat xatlari, jumladan viloyatlar ichida jami 1680 ta, Qoraqalpog‘iston Respublikasi, viloyatlar va Toshkent shahri o‘rtasida jami
1456 ta nazorat xatlari jo‘natilib monitoring o‘tkazilib, monitoring natijasida aniqlangan kamchiliklarni bartaraf etish yuzasida “O‘zbekiston pochtasi” AJga xatlar berilgan.
2014 yil davomida Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurash bo‘yicha qonun hujjatlarida belgilangan ichki nazorat qoidalariga “O‘zbekiston pochtasi” AJ uning 14 ta filiallari, 185 ta pochta aloqasi tarmoqlari, 3 ta ishlab chiqarish uchastkalarida va 2984 ta aloqa bo‘limlarida rioya etilishi Qo‘mita tomonidan tasdiqlangan savolnoma asosida monitoring qilinib , monitoring natijasida aniqlangan kamchiliklarni bartaraf etish yuzasida “O‘zbekiston pochtasi” AJga xatlar berilgan.
Qo‘mitaning 2013 yil 24 yanvardagi 38- son buyrug‘iga asosan 2014 yil davomida “O‘zbekiston pochtasi” AJ hamda “Matbuot tarqatuvchi” AK tomonidan taqdim etilayotgan choraklik 15- shakl aloqa (pochta) statistik hisobotlarini o‘tgan chorak hisobotlari bilan solishtirish orqali pochta aloqasi va davriy matbuotni tarqatish sohasida ko‘rsatilayotgan xizmatlar sifati hamda iste’molchilar xuquqlari himoyasi yuzasidan monitoring ishlari amalga oshirildi va monitoring natijalari Qo‘mitaga taqdim etildi.
| 