49
Atrof-muhit holati to‘g‘risida milliy ma’ruza: O‘zbekiston
• O‘zbekistondagi muhofaza etiladigan hududlarning hozirgi holati va bu sohadagi
zamonaviy tendensiyalar tahlili, so‘nggi yillarda mamlakatda muhofaza
etiladigan hududlar
soni va maydoni ortib borayotganini ko‘rsatdi.
• Hozirgi vaqtda o‘rmon xo‘jaligi sohasida islohotlar olib borilmoqda, buning natijasida
mamlakatda o‘rmon fondi yerlarining maydoni sezilarli darajada oshdi. Ayni paytda bu
ko‘rsatkich mamlakat hududining 26,1 % ni tashkil etadi, 1990–2000-yillarda esa, davlat
o‘rmon fondining yerlari 5,3% dan oshmagan.
• Shu bilan birga, o‘simliklar dunyosining xilma-xilligi, asosan, tabiiy yashash joylarining
qisqarishi va o‘zgarishi, bioxilma-xillik va tabiiy resurslardan
haddan tashqari foydalanish
natijasida qisqarishda davom etmoqda.
• Qishloq xo‘jaligi yerlarini o‘zlashtirish, yer usti suvlarini qayta taqsimlash, yaylov
chorvadorligi, energetika va tog‘-kon sanoatini rivojlantirish, tog‘li
hududlarda infratuzilma
va aholi punktlarining o‘sishi kabi antropogen omillarning hayvonot va o‘simliklar
dunyosining xilma-xilligiga salbiy ta’siri doimiy bo‘lib qolmoqda yoki kuchaymoqda.
• Iqlim o‘zgarishi yerlarning degradatsiyasi va cho‘llanishini kuchaytiradi, bu esa, o‘z
navbatida, bioxilma-xillik holatiga ta’sir qiladi.
