O’ZBEKISTON RESPUBLIKASI OLIY VA O’RTA MAXSUS
TA’LIM VAZIRLIGI
TOSHKENT AVTOMOBIL-YO’LLAR INSTITUTI
“AVTOMMEXANIKA” fakulteti
“Avtomobillar va ixtisoslashtirilgan transport vositalari ” kafedrasi
AVTOMOBIL KONSTRUKSIYALARINING
RIVOJLANISH ISTIQBOLLARI
fanidan
MA’RUZALAR MATNI
5521100 – Er usti transport tizimlari
5521200 – Transport vositalarini ishlatish va ta’mirlash
5140900 – Kasbiy ta’lim
Toshkent – 2012
ANNOTASIYa
Ushbu ma’ruzalar matni O’zbekiston Respublikasi oliy va o’rta maxsus ta’lim vazirligi tomonidan tasdiqlangan namunaviy dastur asosida Davlat ta’lim standartlarida ma’ruza matnlariga qo’yilgan talablarni e’tiborga olgan holda 5521100 – Er usti transport tizimlari, 5521200 – Transport vositalarini ishlatish va ta’mirlash hamda 5140900 – Kasbiy ta’lim yo’nalishlarining baka lavriat talabalari uchun tayyorlandi.
Ma’ruzalar matnida tayanch iboralar, tushunchalar, takrorlash va bi-limni mustaxkamlash uchun savollar va adabiyotlar keltirilgan.
“Avtomobillar va ixtisoslashtirilgan transport vositalari” kafedrasining 2012 yilning 28 avgustidagi majlisida muhokama qilindi va tasdiqlandi (1 - sonli bayonnoma).
Kafedra mudiri prof. Muxitdinov A.A.
Tuzuvchi: dost. Maxmudov X.X.
Taqrizchilar: dost. Fayzullaev E.Z.
dost. Qosimov O.K.
Avtomexanika fakulteti ilmiy-uslubiy kengashining majlisida ko’rib chiqilgan va tasdiqlangan (2012 yil “ “ - sonli bayonnoma).
Kengash raisi, dost. Xikmatov Sh.
Kirish
“Avtomobillar konstrukstiyalarining rivojlanish istiqbollari” fani talabalarga 5 semestrda jahonda va O’zbekistonda ishlab chiqarilayotgan yyengil va yuk avtomobillari, hamda avtobuslarning tarixi, hozirgi kundagi holati va kelajakdagi rivojlanish istiqbollari haqida ma’lumotlar berishga mo’ljallangan.
Ushbu fan talabalarga avtomobillarning konstrukstiyalari haqida dastlabki ma’lumotlarni beradi. Bu fan “Transport vositalarining tuzilishi va nazariyasi”, “Transport vositalarini loyihalash va hisoblash» fanlarini samarali o’zlashtirishga imkon beradi.
Ma’ruza darslarida olingan bilimlar amaliyot darslarida bevosita avtomobilning uzel va detallari bilan tanishtirish orqali mustahkamlanadi.
Mavzu 1. Jahon va O’zbekistonda avtomobilsozlikning
paydo bo’lishi va rivojlanish istiqbollari
Tayanch so’zlar: Avtomobil, kuzov, ichki yonuv dvigateli, tashqi yonuv dvi-gateli, bug’ mashinalari, samokat, Rudolf Dizel, Karl Benst, Gotlib Daymler, Charlz Rolls, Genri Roys, Shevrole, Byuik, Genri Ford, Reno, yuk avtomobillari, yengil avtomobillar, avtobuslar, O’zDEUAvto qo’shma korxonasi, SamKochAvto qo’shma korxonasi, SamAvto ma’suliyati cheklangan ja-miyat, O’zbekistonJeneral Motors qo’shma korxonasi.
Mavzu rejasi: - Jahon avtomobilsozligining tarixi va rivojlanishi
- O’zbekistonda avtomobilsozlikning paydo bo’lishi va
rivojlanish istiqbollari.
Avtomobil – o’zi harakatlanuvchi (avto - grekcha o’zi, mobil - lotincha harakatlanuvchi) degan ma’noni bildiradi.
Tarixga nazar tashlaydigan bo’lsak, nemis mutaxassisi Avgust Otto 1876 gazda ishlaydigan ichki yonuv dvigatelini kashf etdi. Boshqa nemis muxandisi Rudolf Dizel 1879 yili ichki yonuv dvigatelini takomillashtirdi va dizel dvigateliga asos soldi. 1886 yili fabrikant-muxandis Karl Benst benzinda ishlaydigan ichki yonuv dvigatelli avtomobil yaratdi va unga patent oldi. Nemis kommersanti Gotlib Daymler dunyoda neft zahiralarini yetarli ekanligiga ishonch hosil qilgach 1885 yili benzinda ishlaydigan ichki yonuv dvigatelli avtomobilga patent oldi.
1901 yili Daymlerning yangi modeli «Mersedes» nomi bilan chiqa boshladi (Daymler firmasining Franstiyadagi vakili Elinekning qizi). 1926 yili Karl Benst va Daymler firmalari birlashtirildi va avtomobilga Mersedes-Bens nomi berildi.
Avtomobil sanoatining rivojiga Karl Bens va Gotlib Daymlerdan tashqari angliyalik Charlz Rolls va Genri Roys (firma «Rolls-Roys»), amerikalik Shevrole, Byuik va Genri Ford, franstuz Renolar katta hissa qo’shganlar.
Genri Ford haqida. U 1863 yili Michigan shtatida fermer oilasida dunyoga keldi. 1893 yili u o’zini birinchi avtomobilini yig’di va Amerikada birinchi bo’lib haydovchilik guvohnomasini oldi. 1896 yili u mashinasini 200 dollarga sotadi va shu tariqa avtomobil biznesiga asos soldi. 1913 yil 1 apreldan boshlab Ford konveyerini ishga tushirdi.
2010 yili dunyoda 71 mln turli turdagi avtomobillar ishlab chiqarildi. (shundan 18 mln. Xitoyda, 9 mln Yaponiyada, 7,8 mln AQSh da).
Mustaqil O’zbekistonimizda avtomobilsozlikning yaratilish tarixi 1992 yildan boshlanadi. Vazirlar Mahkamasining 1992 yil 5 noyabrdagi 509 - sonli qarori bilan O’zbekistonda Janubiy Koreyaning DEU korporastiyasi bilan hamkorlikda Andijon viloyatining Asaka shahridagi tirkama zavodining negizida avtomobil ishlab chiqaruvchi «O’zDEUavto» qo’shma korxonasi tashkil etildi. Ushbu qo’shma korxonaning qurilishi 1993 yilning mart oyida boshlanib 1996 yili bahorida tugallandi.
«O’zDEUavto» qo’shma korxonasining asosiy konveyeridan 1996 yilning 26 mart kuni birinchi o’zbek avtomobili «Damas» chiqdi va mamlakatimiz 28-bo’lib dunyodagi avtomobil ishlab chiqaruvchi davlatlar qatoriga qo’shildi.
O’zDEUavto qo’shma korxonasi konveyeridan:
-
1996 yilning 5 iyun kuni Tiko,
-
1996 yilning 19 iyul kuni Neksiya,
-
2001 yilning avgustida Matiz
-
2002 yili Neksiya DOHC
-
2003 yilning avgustida Lasetti,
-
2005 yili Matiz-Best chiqdi.
-
2008 yili Neksiya – 2,
-
2010 yili Spark chiqdi.
-
2012 yili Malibu va Kobalt chiqdi.
Ekspertlarning xulosasiga ko’ra O’zDEUavto qo’shma korxonasi MDH davlatlari ichida avtomobil ishlab chiqarish hajmi bo’yicha 3 - o’rinni, texnik jihozlanish bo’yicha esa 1 – o’rinni egallaydi.
1996 – 2007 yil 1 yanvarigacha zavodda hammasi bo’lib 831769 ta avtomo- bil ishlab chiqarildi. Shundan:
Damas – 112038 ta
Tiko - 90061 ta
Neksiya – 349518 ta
Matiz - 105578 ta
Lasetti - 4574 ta.
|