TEXNIK TIZIMLARDA AXBOROT TEXNOLOGIYALARI
94
Elektron hukumat (ingl. e-Government) – bu fuqarolar, biznes, davlat hokimiyati boshqa
tarmoqlari va davlat amaldorlariga axborot taqdim etish hamda avvaldan shakllangan
davlat xizmatlarini ko‘rsatish bo‘lib, bunda davlat va fuqaro o‘rtasidagi shaxsiy aloqa
minimallashtirilgan bo‘ladi va axborot texnologiyalaridan maksimal darajada
foydalaniladi. Dunyoning taraqqiy topgan mamlakatlarida «Elektron hukumat» milliy
tizimini faol tatbiq qilinmoqda. Bu tizim davlat tuzilmalarini boshqarishni, davlat va
tadbirkorlar o‘rtasidagi aloqani mustahkamlash orqali biznes-jarayonlarni samarali
rivojlantirishni ta'minlabgina qolmay, fuqarolarga davlat xizmatlarini internet orqali
hammabop interaktiv shaklda taqdim etish imkonini ham yaratadi.
Mamlakatimizda ham bir necha yillardan buyon, maqsadli ravishda interaktiv davlat
xizmatlarini aholi va yuridik shaxslarga davlat organlari veb-saytlari va O‘zbekiston
Respublikasi Hukumat portali orqali taqdim etish uchun axborot-kommunikatsiya
texnologiyalari joriy etilmoqda. 2007 yildayoq, 49ta Bazaviy interaktiv davlat xizmatlari
reestri (BIDXR) tasdiqlangandi. 2009 yilda u 94taga kengaytirilgan bo‘lib, hozirda esa
BIDXR 195dan ziyod ko‘rinishni qamrab oladi.
Elektron hukumat – bu davlat boshqaruvi organlarida ichki va tashqi aloqalarning butun
jamini tegishli axborot-kommunikatsiya texnologiyalari bilan qo‘llab-quvvatlash va
ta’minlash tizimidir. U jumladan quyidagilarni o‘z ichiga oladi:
-
kommunikatsiya tarmoqlari orqali axborotni qayta ishlash, uzatish va yoyishning
elektron vositalari (shu jumladan Internet) asosida davlat boshqaruvining axborot-
kommunikatsiya ta’minoti;
-
davlat hokimiyati barcha tarmoqlari organlarining fuqarolarning barcha toifalariga
elektron vositalar orqali xizmat ko‘rsatishi;
-
davlat organlarining faoliyati to‘g‘risida fuqarolarga elektron vositalar orqali
xabar berish.
