|
Без названия 1
|
| bet | 10/26 | | Sana | 20.11.2023 | | Hajmi | 2,63 Mb. | | #102199 |
Bog'liq deponent materiallari
2.
Smena masteri faoliyatini tashkil etish va kun tartibi.
3.
Smena mastering ish joyi va asosiy hujjatlari.
4.
Smenani qabul qilish va topshirish, topshiriqlarini bajara olmayotganlar bilan.
ishlash, profilaktik ta’mirlashlarni qayd etish kitoblari
.
Ishning maqsadi:
To’qimachilik va yengil sanoat korxonalarida smena masterining ishlab
chiqarishda kasbiy faoliyati bilan tanishish.
Asosiy ma’lumotlar
Smena masterining ishlab chiqarishda tutgan o‘rni
Smena masteri ishlab chiqarish tizimining quyi bo‘linmasining rahbari hisoblanib,
unga ishonib topshirilgan uchastkada ishchilar mehnatini tashkil etib,
texnologik jarayonni boshqaradi.
Smena masteri lavozimiga odatda Oliy O‘quv Yurtlari
bitiruvchilari korxona
rahbari buyrug‘iga asosan tayinlanadi. Ba’zan ushbu lavozimga yuqori malaka va
tajribaga ega bo‘lgan ishchilar ham jalb etilishi mumkin.
Smena masteri ishlab chiqarish jarayonida uchastka yoki syexda ish bilan band
bo‘lgan asosiy ishchilar jamoasiga rahbarlik qiladi. Uning huquq va javobgarligi
qat’iy ravishda ma’lum tartib va qoida bo‘yicha belgilanadi.
·
Smena masteri ishlab chiqarishning quyidagi masalalariga shaxsan javobgar
hisoblanadi:
·
Smena davomida texnologik uskunalarning uzluksiz ishlashi uchun;
·
Belgilangan sifat ko‘rsatkichlariga ega bo‘lgan mahsulot ishlab chiqarish uchun;
·
Smenadagi mehnat va texnologik intizom uchun;
·
Xom ashyo, mehnat va moddiy resurslardan tejamkorlik bilan foydalanish uchun;
·
Ishchilar tomonidan tarmoq bo‘yicha qabul qilingan me’yoriy ko‘rsatkichlarni
bajarilishi uchun;
·
Smena topshiriqlarini muntazam bajarilish uchun;
·
O‘ziga topshirilgan (biriktirilgan) texnologik uskunalarning texnik holati uchun;
·
Mehnat muhofazasi va yong‘inga qarshi chora tadbirlarni amalga oshirish uchun;
·
Smena jamoasidagi axloqiy-psixologik muhit uchun.
Smena masteri yakka boshchilik asosida ishlab chiqarish uchastkasining xo‘jalik
faoliyatini boshqaradi. U ishchilarni joy joyiga qo‘yadi (rasstanovka qiladi),
ularni ish bilan ta’minlaydi, yaxshi ishlayotgan ishchilarni mukofatlashga
tavsiya etadi, kamchiliklarga yo‘l qo‘yayotgan ishchilarga nisbatan ma’muriy,
zarur bo‘lganda moddiy choralar ko‘radi. U smena topshiriqlarini bajarilishi
uchun jamoani uyushtiradi, ishchilarni yo‘riqnomadan
o‘tqazadi va har bir ish joyida belgilangan me’yoriy ko‘rsatkichlarni
bajarilishini ta’minlaydi.
Smena oxirida master ishlab chiqarish uskunalarini tekshiradi, keyingi smenaga
bu uskunalarni iflos va buzulgan, nosoz holatda topshirilishiga yo‘l qo‘ymaydi.
Smenadan keyin ish natijalarini va kelasi kun ish rejalarni muhokama qilish
uchun qisqacha yig‘ilish o‘tkazadi.
Smena masteri unga ishonib topshirilgan ishlab chiqarish uchastkalarida jamoa
rahbari va mehnat tashkilotchisi hisoblanadi. U o‘ziga topshirilgan uchastka
faoliyatiga, reja topshiriqlarini bajarilishiga, uskunalarning texnik holatiga
va ulardan foydalanishga, texnika xavfsizligiga rioya qilishga, texnologik va
mehnat intizomiga, uchastkadagi tozalik va tartibga, ishchilarning ishlab
chiqarishda to‘g‘ri taqsimlanishiga, uchastkada mehnatning ilg‘or usullarini
joriy etishga, jamoaning uyushqoqlik va mustahkamligiga hamda sog‘lom ruxiy
muhitiga javob beradi.
|
| |
