|
Без названия 1
|
| bet | 18/26 | | Sana | 20.11.2023 | | Hajmi | 2,63 Mb. | | #102199 |
Bog'liq deponent materiallari
Topshiriqlar
1.
To‘qimachilik korxonalarida texnik kengash faoliyatini o’rganish.
2.
Texnik kengashda smena masterining hisoboti.
3.
Smenada injenerlik ta’minotini amalga oshirish tartibini o’rganish.
Asosiy ma’lumotlar
To‘qimachilik korxonalarning asosiy syexlarida ishlab chiqarish jarayonlarini
tashkil etish, mahsulot sifatini ta’minlash, resurslardan (ishchi kuchi, moddiy
ashyolar va h. k.) samarali foydalanish masalalari texnik kengash yig‘ilishida
muhokama qilinib, reja ko‘rsatkichlarini bajarilmasligiga sabab bo‘lgan
kamchiliklar yuzasidan tegishli qarorlar qabul qilinadi.
Texnik kengashda syex va bo‘lim boshliqlari ishlab chiqarishni ma’lum bir davri
(yil, kvartal, oy va hafta) uchun yuqoridagi masalalar yuzasidan hisobot beradi.
Texnik kengash xaftaning muayyan kunlarida (syex boshliqlari uchun seshanba,
masterlar uchun esa payshanba kunlari) o‘tkazilib, unga bosh injener raislik
qiladi.
To‘qimachilik korxonalarida uzluksiz mahsulot ishlab chiqarish texnologik
jarayonlarida sodir bo‘ladigan texnik va majburiy to‘xtashlar, hamda
nosozliklarni ta’sir darajasiga ko‘ra ikki guruhga ajratish mumkin: birinchisi
tasdiqlangan reja topshiriqlarini bajarilmasligiga olib keladigan sabablar;
ikkinchisi mahsulot sifat ko‘rsatkichlarini buzulishiga olib keladigan sabablar.
Reja topshiriklarini bajarilmasligiga
sabab bo‘ladigan majburiy to‘xtashlar quyidagilardan iborat:
·
Xom ashyo ta’minotidagi uzilishlar;
·
Texnologik mashinalarning texnik nosozligi
(avariya) sababli to‘xtab turishi;
·
Injenerlik ta’minotidagi uzilishlar (yelektr energiyasi, havo, bug‘, ehtiyot
qismlar, va h.k.) sababli to‘xtashlar.
·
Xomaki mahsulotlar ta’minotidagi uzilishlar (nesopryojennost
ya’ni yetkazib beruvchi syexlar tomonidan reja topshiriqlarini
bajarilmasligi) sababli majburiy to‘xtashlar.
·
Xodimlarning yetishmasligi va ishga chiqmaganligi sababli texnologik
mashinalarning to‘xtab turishi.
·
Texnologik mashinalarning o‘z vaqtida ta’mirlashdan topshirilmasligi.
Maxsulot sifat ko‘rsatkichlarini pasayishiga sabab bo‘ladigan texnologik
nosozliklar quyidagilardan iborat:
·
Xom ashyoning noto‘g‘ri tanlanganligi uchun texnologik mashinalarning yomon
ishlashi;
·
Texnologik intizomga amal qilmaslik, ish usullarini noto‘g‘ri bajarish oqibatida
sifasiz xomaki mahsulotlar tayyorlanishi.
·
Tsexlardagi harorat va namlik ko‘rsatkichlarining talabga javob bermasligi
natijasida texnologik mashinalarning yomon ishlashi.
·
Texnologik mashinalarga talab
darajasida xizmat ko‘rsatilmasligi (sifasiz ta’mirlash va tozalash ishlari hamda
xizmat ko‘rsatish grafigining buzilishi)
·
Texnologik mashinalarni shaylash parametrlarini ruxsasiz o‘zgartirilishi.
·
Tolali chiqindilarni ajratish, yig‘ish va changsizlantirish tizimi ishining
talabga javob bermasligi.
·
Texnologik mashinalarga xizmat
ko‘rsatuvchi ishchilar malakasining yetarli emasligi (ishni noto‘g‘ri tashkil
qilishi, xizmat ko‘rsatish marshurutiga rioya qilmasligi, shaylash va ulash
ishlarini noto‘g‘ri bajarishi va h.k.).
Texnik kengash yig‘ilishida har bir syex boshlig‘i oldingi haftadagi faoliyati
natijalari bo‘yicha hisobot beradi. Hisobotda reja topshiriqlari bajarilmagan
har bir holati uchun, uning sabablari asoslanadi. Shuningdek ushbu sabablarni
oldini olish va bartaraf etish bo‘yicha syex ma’muriyatining amalga oshirgan
ishlari muhokama qilinadi. Syex boshlig‘ini yuqoridagi masalalar bo‘yicha
faoliyati tahlil etilib, agar u qoniqarli bo‘lmasa syex boshlig‘iga nisbatan
o‘rnatilagn tartibda ma’muriy chora ko‘riladi.
Texnik kengash yig‘ilishi yakunida korxona ishlab chiqarish ko‘rsatkichlarini
tasdiqlangan reja topshiriqlariga muvofiq bajarilishini ta’minlash uchun har bir
syex bo‘yicha qaror qabul qilinadi. Texnik kengash qarorlarini bajarilishini
nazorat qilish mas’ul xodimlar zimmasiga yuklatiladi.
Texnik kengashda korxonaning yangi assortimentdagi mahsulotlarni o‘zlashtirish,
zamonaviy texnologiyalarni joriy qilish, tsex va mashinalarni modernizasiya
qilish ishlarida ro‘y berayotgan muammolar ham tahlil etilib ularni bartaraf
etish choralari ko‘riladi.
|
| |
