97
2)
nazorat topshiriqlari, test savollari bankining mavjudligi;
3) o’quv fani bo’yicha didaktik materiallarning mavjudligi: audio-video
materiallar, kompyuter
dasturlari, jadval, slaydlar, tarqatma materiallar.
3) mustaqil ta’lim topshiriqlari.
Didaktik ta’minot o’quv kursini o’zlashtirish uchun axborotlarning to’liqligi va
yetarli hajmda bo’lishi, pedagog va talabalarning birgalikdagi intellektual-
emotsional o’zaro harakati mazmuni va usullarining variativligi, interfaollik,
dialoglik, muammolilik, amaliy yo’naltirilganlik tamoyillari
asosida ishlab chiqilgan
axborotlarning originalligi va tartibga solinganligi bilan xarakterlanadi. U ta’lim
oluvchining axborotlarni o’zlashtirish jarayonini tashkil etish, nazorat qilish va
korrektsiyalash maqsadida foydalaniladi va ta’lim oluvchi shaxsini shakllantirish va
o’z-o’zini rivojlantirish vositasi bo’lib xizmat qiladi.
Oliy ta’lim muassasalarida talabalarning asosiy faoliyati o’quv faoliyati
hisoblanadi. Shu sababli, o’qituvchi va talaba o’rtasidagi hamkorlik shakllarini va
ko’zlangan natijaga erishish uchun yosh va individual-psixologik xususiyatlarini
hisobga olgan holda sanogen tafakkurni rivojlantirish bo’yicha maxsus kurs va
amaliy-trening mashg’ulotlar dasturini ishlab chiqish maqsadga muvofiqdir.
Bo’lajak o’qituvchilarda sanogen tafakkurni rivojlantirishning refleksiv
texnologiyasi bosqichlariga
asoslangan holda, har bir bosqichda qo’llaniladigan
shakl, metod va vositalarni quyidagicha loyihalab olish zarur (2.3.3-jadval qarang).
Motivatsion-diagnostik bosqichni amalga oshirishda talabalar guruhida tadqiqot
maqsadidan kelib chiqib suhbatlar, munozaralar o’tkazish lozim. Texnologiyaning
mazkur bosqichida belgilangan maqsadga erishish uchun anketa-so’rovnoma, debat,
muammoli tavsifdagi suhbat,
bahs-munozara, fikrlar hujumi, o’z-o’zini tahlil qilish
va baholash kabi metod va usullardan foydalanish maqsadga muvofiq.
