|
“BU KIM?” refleksiv texnika mashqi
MaqsadBog'liq MONOGRAFIYA M.K.Ismailov xorijda nashr etilgan“BU KIM?” refleksiv texnika mashqi
Maqsad. Ishtirokchilarda kommunikativ ko’nikmalarni shakllantirish, ijobiy
muhitni yaratish. Ishtirokchilar soni 15-20 nafar bo’lishi maqsadga muvofiq.
Kerakli jihozlar. Barchaga yetadigan qog’oz va ruchka bo’lishi lozim.
Mashg’ulotni bajarish tartibi. Mashg’ulot boshlanishidan avval barcha
ishtirokchilarga qog’oz va ruchkalar tarqatiladi. Va quyidagicha ko’rsatma beriladi:
“Har bir kishi o’ziga berilgan qog’ozning old qismiga o’zida mavjud bo’lgan ijobiy
sifatlarni hamda yoqtirgan narsalari haqida, orqa tomoniga esa o’zidagi salbiy
xususiyatlar va yoqtirmagan narsalari haqida ma’lumot keltirishi lozim. Har bir kishi
ma’lumot berishda xolisona yondashishi va ular qisqa, aniq va tushunarli bo’lishi
kerak. Shuningdek, biror kishi qog’ozga o’z ismi, familiyasi kiritmaydi”.
Topshiriqni bajarish uchun 5 daqiqagacha vaqt ajratiladi. Ma’lumotlar yozib
bo’lingandan so’ng, o’qituvchi barcha qog’ozlarni yig’ib oladi va kichik qutiga solib
aralashtiradi. Shundan so’ng, qutidagi ma’lumotlar yozilgan qog’ozlar ixtiyoriy
ravishda barcha ishtirokchilarga tarqatib beriladi. Natijada, har bir ishtirokchida
guruhning boshqa bir a’zosi tomonidan yozilgan ma’lumotlar kelib tushadi. Shundan
so’ng o’qituvchi ishtirokchilarga yangi ko’rsatma beradi: “Qog’ozda yozilgan
ma’lumotlar bilan tanishib chiqing. So’ngra, har bir ishtirokchi navbat bilan qog’ozda
yozilgan ma’lumotlarni o’qib eshittiradi. Boshqa ishtirokchilar esa ma’lumotlarni
eshitib, mazkur xususiyatlar sohibini topishi talab etiladi”.
Mashq shu tarzda davom etadi, barcha ishtirokchilarning ma’lumotlari o’qib
eshittiriladi. Mashg’ulot oxirida bahs-munozara o’tkazilib, unda qog’ozda yozilgan
salbiy xususiyatlar va yoqtirmagan narsalar muhokama qilinadi. Umumiy xulosalar
ishlab chiqiladi.
|
| |
