Mashqni bajarish tartibi. O’qituvchi har bir ishtirokchidan aylana bo’ylab
o’tirishini hamda dastlab o’ng tomondagi, so’ngra chap tomondagi ishtirokchiga
kompliment bildirishini taklif etadi. Bunda siz ixtiyoriy ravishda biror bir buyum
(tabrik kartasi, ruchka)dan foydalanishingiz mumkin. Mashq davomida talaba-
qizlarning faol ishtirokini ta’minlash lozim, bu qulay aloqa muhitini yaratishga va
jarayonning samarali kechishiga xizmat qiladi.
Mashq bajarib bo’lingandan so’ng, o’qituvchi ishtirokchilar uchun quyidagi
tartibda refleksiv faoliyat algoritmini ishlab chiqadi:
- Hissiy-emotsional holatingizni tasvirlab bering?
- Komplimentni eshitish jarayonida o’zingizni qanday his qildingiz?
- O’zingizdagi ijobiy kayfiyat sabablarini izohlang?
- Sherigingizda kechgan emotsional o’zgarishlarning sababini aniqlang?
- Kompliment bildirish kimlarda qiyin kechdi va nima uchun?
- O’ylab ko’ring, nima uchun bir-birimizga kompliment bildirishimiz kerak?
- Nima uchun, salbiy holatlar bizning fikr yuritishimizda ijobiy holatlardan ko’ra
tezroq va tez-tez paydo bo’ladi?
- Agar, barcha insonlar sog’lom, ijobiy va mustaqil fikr yuritganda uning
tafakkuri va dunyo manzarasi qanday bo’lar edi.
“REFLEKSIV DOIRA” mashqi
Pedagogik o’zaro ta’sirning samarali bo’lishi uchun barcha ishtirokchilar aylana
shaklida o’tirishadi.
O’qituvchi refleksiv harakatlar algoritmini belgilaydi:
- mashg’ulot boshida va so’ngida hissiy-emotsional holatingiz haqida gapirib
bering;
- qanday yangi ma’lumotlar o’rgandingiz, qaysi jihatlarni to’liq o’zlashtira
olmadingiz;
- buning sabablarini qanday izohlaysiz;
- mashg’ulotdagi ishtirokingizni qanday baholaysiz;
- mashg’ulotda ishtirok etish davomida sizga qaysi pozitsiya qulay,
pozitsiyalardan birini tanlang va sababini tushuntiring: faollik ko’rsatuvchi, passiv,
116
hamkorlikda ishlash, yakka tartibda ishlash, yordam beruvchi, yordam oluvchi va
boshqalar.
Shundan so’ng, barcha ishtirokchilar belgilangan refleksiv harakatlar
algoritmiga muvofiq o’z fikrlarini bildiradi. Barcha bir-birini eshitadi. Xulosalar
shakllantiriladi. Mashg’ulot so’ngida o’qituvchi ham o’z qikrlarini baldirib,
mashg’ulotni yakunlaydi.
