Tadqiqot maqsadi va vazifasi:
Mazkur bitiruv malakaviy ishi o’zbek milliy amaliy san’ati turlaridan biri hisoblangan kashtachilik san’atidan kasb - hunar kollejlarida to’garaklar tashkil qilish metodikasi haqida bo’lib, barcha "Amaliy bezak san’ati" fani o’qituvchilari, kasb - hunar kollejlari, umumta’lim maktablari va to’garak o’quvchilarining ushbu san’at sohasidagi nazariy va amaliy bilimlarini shakllantirishga qaratilgan bo’lib, kelajakda yoshlarni avloddan-avlodga o’tib kelayotgan milliy an’analar asosida voyaga yetkazishni maqsad qilib qo’yadi.
Bitiruv malakaviy ishning yozilishidan asosiy maqsad - kashtachilik san’atining maktablarini o’rganib chiqish, bunda islimiy naqshlardan foydalanib, kashtachilik misolida sovg’abop buyumlar tayyorlash va qiyosiy tahlil qilishdir. Maqsaddan kelib chiqqan holda bir qator aniq vazifalar qo’yilgan :
- Naqqoshlik san’ati;
- Naqsh turlari;
- Islimiy naqshlar va ularning o’ziga xosligi;
- Kompozitsiyada metric takrorlanish, ritm.
- Stilizatsiya, islimiy naqsh elementlarini chizish.
- Kashtachilikda sovg’abop buyumlar tayyorlash texnologiyasi masalalarini chuqur o’rganish, tikish uslublariga ham tavsif berish.
|