|
Internet-marketingda kommunikativ siyosat institusionallashuvi
|
| bet | 122/151 | | Sana | 21.05.2024 | | Hajmi | 2,86 Mb. | | #248346 |
Bog'liq bobur
Tarmoq tijoratining rivojlanishi marketing kommunikatsiyalari xususiyatlarini sezilarli darajada o'zgartirdi. Auditoriyaga axborotli ta'sir etish vositasidan mijozlar va kentragentlar bilan muloqotga kirishish vositasiga, shuningdek, internet-marketingda jamoaviy qarorlarni qabul qilish instrumentiga aylandi. Bugungi kunda kommunikatsiyaga kompaniya va uning iste'molchilari o'rtasidagi interfaol muloqot sifatida qaraladi. Xarid qilishdan oldin, xaridni amalga oshirishda, iste'mol qilishda va iste'mol qilishdan keyingi bosqichlarida amalga oshiriladi.
Natijada, yetkazib beruvchi va vositachilar, nafaqat har bir mahsulot
to'g'risidagi, balki uning har bir xaridori va sotilishi to'g'risidagi marketing axborotlarni tahlil qilish imkoniyatiga ega bo'ladi. Bu marketing kommunikatsiyalarini qurishda ikkita o'ziga xos bitimlar marketingi va o'zaro munosabatlar marketingi yondashuvni birlashtirishga imkon berdi.
Internet-kommunikatsiya savdo bozorlarini cheksiz hududli bo'lishiga va ko'p sonli mijozlarga xizmat ko'rsatishni individuallashtirishga imkon beradi. Bir tomondan, Internetda maqsadli auditoriya va alohida individual mijozlar bilan to'g'ridan-to'g'ri kommunikatsiya paydo bo'lsa, boshqa tomondan, marketing ma'lumot bazasini yuritish, hamkor va mijozlar bilan individual aloqa o'rnatishni avtomatlashtirish imkoniyatini yaratadi. Natijada marketing kommunikatsiyalari bir vaqtning o'zida individuallashtiriladi, tabaqalashtiriladi va avtomatlashtiriladi.
Mazkur holat virtual muhitda axborotli o'zaro hamkorlikni ta'minlash uchun mas'ul bo'lgan logistika vositachilarining maxsus turini shakllanishiga olib keldi.Bu yerda xaridor va kontragentlar bilan o'zaro hamkorlikni avtomatlashtirishning “CRM-tizimlar” (Customer Relationship Manage- ment) deb nomlanuvchi dasturiy vositalar majmuasidan kommunikatsiyada foydalanish to'g'risida gap bormoqda. CRM-tizimlar marketing axborotlarini to'plash va qayta ishlash, shuningdek, tijorat axborotlari almashinuvini tezlashtirish uchun foydalaniladi.
CRM-tizim mijozni marketing tahlilining asosiy ob'ekti sifatida
ko'radi. Bu logistik oqimlarning ichki parametri tahlil ob'ekti hisoblanadigan avtomatlashtirilgan logistika tizimlari va CRM o'rtasidagi asosiy farq hisoblanadi. CRM-tizimlarining asosiy funktsiyasi kontragentlar, yetkazib beruvchilar va iste'molchilar to'g'risidagi axborotlarni to'plash, qayta ishlash va tahlil qilish, shuningdek, ichki axborot oqimlarini o'z ichiga olgan holda Internet tarmog'idagi mijozlarga elektron savdo va xizmatlari ko'rsatishni avtomatlashtirishdan iborat bo'ladi.
Misol sifatida Germaniya “SAP AG” kompaniyasining CRM- tizimini keltirish mumkin. Mijozlar ma'lumotlar bazasi bu tizimning yadrosini tashkil etadi, foydalanuvchilar bu ma'lumotlar bazasi asosida mijozlar bilan aloqa, mijozlar bilan munosabat, xaridlar tarixi va shartno- malar samaradorligi va boshqalarni tahlil qiladi. Dasturiy mahsulotdan foydalanish qo'llanmasida ko'rsatilgandek, CRM tizimi “shuningdek, ular bilan ishlash tarixi bazasida ham mijozlarni turli kesimlarda tahlil qilish va ular hulqi modellarini qurib olishga imkon beradi ”.
CRM tizimlarining imkoniyatlaridan foydalanib sotuvchi maqsadli auditoriya, potentsial savdo, taklif parametrlari va marketing kommuni- katsiyaning boshqa xususiyatlarini oldindan aniqlaydi. Natijada tijorat
takliflarini haqiqatdan ehtiyoj sezilgan maqsadli bozor xaridorlariga etkazishlishiga imkon yaratadi. Xar ikkala Internet texnologiyasi ham avtomat tarzda, ba'zi hollarda inson aralashuvisiz ham amalga oshirilishi mumkin. Internet-marketingni avtomatlashtirish holda virtual kommunikat- siyaning barcha komponentlariga ta'sir qiladi va mahsulotlarni harakat- lantirish bo'yicha sof texnik funktsiyalarga aylantiradi. Elektron tijorat internet-marketingda reklama mohiyatini “ishontirishdan ko’ra ko’proq axborot berish” tavsifiga o'zgartiradi.
Internet tarmog'ida marketing kommunikatsiyalarining muhim xususiyati shundaki, savdolarni individuallashtirish tufayli xaridorlar internet-marketingning teng huquqli ishtirokchilariga aylanadi. Ular virtual mahsulotlarni yetkazib beruvchilar bilan to'g'ridan-to'g'ri o'zaro hamkorlikni o'rnatib mustaqil ravishda virtual hamjamiyatlarni tuzishi mumkin. Masalan, yosh onalar ijtimoiy tarmoqda bolalar kiyimini ulgurji partiyasini sotib olish uchun birlashishi mumkin. Bu ularga mahsulotlarni ulgurji narxlarda sotib olishga sharoit yaratadi.
Natijada tashqi va ichki marketing o'rtasidagi chegara yo'qolib boradi.
Doimiy xaridorlar savdoning virtual infratuzilmasining bir qismiga, transformatsiyalayotgan kommunikatsiyaning manbaa va maqsadiga aylanadi. Ularning o'zi qabul qilinayotgan marketing qarorlariga faol ta'sir ko'rsatgan holda, vositachi va sotuvchilarga yo'naltirilgan internet- marketing bilan faol shug'ullanishni boshlaydi. Natijada, elektron tijoratda ichki marketing sohasi buzilib, marketing kommunikatsiyalari sohasiga qo'shilib ketadi. Amerika marketing nazariyasi klassigi F. Kotler xizmat ko'rsatish sohasi ichki marketingini to'rt yo'nalishga ajratadi. Internet- marketingda bu yo'nalishlar ko'rinish jihatdan o'zgardi va yangi mazmun bilan to'ldirildi, ammo o'z dolzarbligini yo'qotmadi:
Mijozlarga xizmat ko’rsatish madaniyatini shakllantirish -
marketing kommunikatsiyalarini amalga oshirish me'yor va qoidalarini shakllantirishga transformatsiya qilinadi. Misol uchun, “eBay” internet- auksionida sotuvchi tomonidan savdo qoidalari bajarilmagan taqdirda xaridor “PayPal” to'lov tizimida muhokamaviy munozara ochishi va amalga oshirilgan to'lovni avtomat tarzda qaytarib olish xuquqiga ega. Barchasi avtomat tarzda amalga oshiriladi va kommunikatsiya ichki texnik jarayonga aylanib boradi.
|
| |
