|
Ju’ziwdi bilmegende wo’zin uslaw qa’deleri
|
| bet | 46/88 | | Sana | 13.05.2024 | | Hajmi | 1,61 Mb. | | #229494 |
Bog'liq DeneJu’ziwdi bilmegende wo’zin uslaw qa’deleri.
Birinshiden, adam wo’zin qolg’a ali’wi’, wo’zin ti’ni’sh uslawi’, awzi’na suw kirip ketiwden saqlani’wi’ kerek , Usi’- lay islegen adam sho’kpeydi.
Yekinshiden, qalay bolmasi’n, da’rhal jag’ag’a qarap umti’li’w tuwri’ yemes. Gewdeni suwdi’n’ betinde saqlap turi’w ushi’n wonsha tez bolmag’an ayaq ha’m qol ha’re- ketleri jeterli boli’p yesaplanadi’. Suwdan shi’g’i’p, tural- mag’an adam qollari’n suwdan shi’g’ari’p silkiwi mu’mkin yemes. Wo’zin qolg’a ali’p ha’m suwdan tayani’sh tapqanda g’ana ja’rdemge shaqi’ri’w mu’mkin , Suwdi’n’ asti’na tu’sip ketpeslik ushi’n qoldi’n’ ha’reketlerin toqtatpaw kerek.
Ju’ziw menen shug’i’llani’w ushi’n arnawli’ kiyimler kiyiledi. Basqalardi’n’ kiyiminen paydalani’w mu’mkin yemes, sebebi gigiena qa’delerine tuwri’ kelmeydi. Basseyn jaylasqan jayda rezina ayaq kiyimler: galosh , slansi, tapochka kiyip ju’riledi. Bul tu’rli teri kesellikleri jug’i’wi’nan saqlaydi’.
81-su’wret.
Ju’ziwdi bilmeytug’i’nlar suwg’a ko’nligiw shi’ni’g’i’w- lari’n wo’zinshe yamasa sherikleri menen wori’nlawi’ mu’mkin. Da’slep shi’ni’g’i’wlar belden, son’ ko’kirekten keletug’i’n suwda wori’nlanadi’. Shi’ni’g’i’wlardi’ wori’nlaw waqti’nda duri’s dem ali’w ha’m dem shi’g’ari’wg’a ayri’qsha itibar beriledi. Suwdi’n’ asti’na kirgende, su’n’gigende, suwdi’n’ betinde ju’ziw waqti’nda dem ali’nadi’ ha’m wol tuti’p turi’ladi’. Suwg’a kirgennen keyin dem shi’g’ari’ladi’. Bul shi’ni’g’i’wdi’ jaqsi’ wo’zlestirip ali’w kerek (80-su’wret).
Belden suwda turi’p, jag’a boylap qol, ayaq, gewde menen tu’rli ha’reketler wori’nlanadi’: shepke, won’g’a buri’li’p sekiriw, suwda woti’ri’p turi’w ha’m t.b. Qoldi’ yeskek yes- kendey yetip ju’riledi ha’m juwi’ri’ladi’ (81-su’wret).
Jag’ag’a qarap ko’kirekten keletug’i’n suwda ayaqlar iyin ken’liginde kir shayi’w shi’ni’g’i’wi’ wori’nlanadi’. Dem ali’wdi’ baqlaw, dem almay 10 g’a shekem sanaw, keyin ala turi’p dem ali’wdi’ 15—20 sekund toqtati’w. Qollar dizede, dem ali’nadi’, bet suwg’a bati’ri’ladi’, suwg’a dem shi’g’ari’ladi’, gewde tiklenedi. Dem ali’p suwdi’n’ asti’na woti’ri’ladi’ ha’m uzaq dem shi’g’ari’ladi’ (82-su’wret).
|
| |
