|
BIRINSHI MEDICINALI’Q JA’RDEM
|
| bet | 84/88 | | Sana | 13.05.2024 | | Hajmi | 1,61 Mb. | | #229494 |
Bog'liq DeneBIRINSHI MEDICINALI’Q JA’RDEM
Shug’i’llani’wda geyde, ayri’qsha jag’dayda, abaysi’zda jaraqatlani’wlar ushi’rap turadi’. Sol sebepli, shi’paker kel- genge shekem ha’r qaysi’si’n’i’z wo’zin’iz yamasa dosla- ri’n’i’zg’a za’ru’r bolg’an birinshi ja’rdem ko’rsetiwdi bili- win’iz kerek.
Jaraqatlani’w. Ji’g’i’lg’anda yamasa uri’li’p ketkende bir jer jaraqatlani’wi’ ha’m isik payda boli’wi’ yamasa tiygen wori’n qi’zari’p ketiwi mu’mkin. Usi’nday waqi’tta uri’lg’an jerge 20—30 minut suwi’q kompress qoyi’w, keyin bekkem yetip baylaw lazi’m.
I’sqalani’w. Ayaq, qollardi’n’ terisi i’sqalani’wi’ na’tiyje- sinde yamasa ayaq kiyim qi’si’wi’nan qi’zari’p ketedi. Sonda i’sqalang’an yamasa ti’rnalg’an jerler irin’lesip ketpewi ushi’n woni’ jaqsi’ tazalap, siyle, bint penen da’ri-da’rmaq penen worap baylap qoyi’w kerek.
Uri’li’p jari’li’wlar. Ayi’ri’m waqi’tlarda ji’g’i’li’p, uri’li’p ketiw na’tiyjesinde jaraqatlang’an wori’n jari’ladi’, soqqi’dan ku’shli awi’ri’w payda boladi’. Usi’nday waqi’tta sol jerdi tezlik penen taza suwda yamasa vodorod perioksidi menen juwi’p, yod yaki ko’kda’ri su’rtiw za’ru’r.
Jaralar. Jaradan qan ag’i’wi’n tez toqtati’w ushi’n woni’ taza bint penen baylap qoyi’w lazi’m. Yeger qan ti’yi’lmasa wonda jaraqatlang’an wori’ndi’ dezinfekciyalap, woni’ ster- illengen siyle yamasa bint penen qatti’ baylap qoyi’w kerek.
Yeger qan arteriya tami’ri’nan ketse, wonda qandi’ toqtati’w ushi’n u’lken barmaqti’ qan ketken wori’nnan biraz joqari’raqtan basi’p turi’ladi’ yamasa jgut, belbew, woramal, rezina menen 1,5—2 saat qi’si’p baylap qoyi’ladi’.
Muri’nnan qan ketkende yari’m woti’ri’w halati’nda bas- ti’ arqa ta’repke biraz taslanadi’ yamasa muri’nni’n’ u’stine muz yamasa suwi’q suwg’a suwlang’an woramalsha yaki i’g’allang’an paxta qoyi’ladi’. Sonday-aq, muri’n bosli’qlari’na
10 minut paxta ti’g’i’p qoyi’ladi’. Yeger qan ja’ne toq- tamasa, medicinali’q ja’rdemnen paydalani’ladi’.
|
| |
