|
Dorivor o‘simliklar va botanika
|
| bet | 87/91 | | Sana | 15.01.2024 | | Hajmi | 426,29 Kb. | | #137797 |
Bog'liq portal.guldu.uz-Botanika (3)Nazorat savollari:
1) Morfologik tuzilishiga ko’ra urug’larning qanday turlari bor?
2) Loviya va burchoq urug’i qaysi gruppaga mansub?
3) Urug’ qanday qismlardan tashkil topgan?
4) Urug’ni unishi uchun qanday sharoitlar talab qilinadi?
5) Urug’pallalar nima uchun yashil ranga ega?
Bir pallali o’simliklar urug’ining o’ziga hos tuzilishini aytib bering.
Koleriza qanday funktsiyani bajaradi?
Koleoptil nima vazifani bajaradi?
TMI: Bir pallali (bug’doy yoki arpa) va ikki pallali (loviya yoki burchoq) o’simliklar urug’lari tuzilishi hamda unib chiqishdagi asosiy farqlarni tavsiflab bering.
18 – mashg’ulot. MEVA TIPLARI VA TUZILISHI
Dars maqsadi: Mevalar tiplari va tuzilishi bilan tanishish.
Umumiy tushunchalar: meva gulli o’simliklarning asosiy organlaridan biri bo’lib, urug’chidan hosil bo’ladi. Uning asosiy funksiyasi urug’ni himoya qilish va tarqalishini ta’minlashdir. Mevalar tuzilishi va morfologik ko’rinishiga ko’ra juda xilma–xil bo’ladi. Mevada meva po’sti–perikarpiyning tuzilishi, ochilishi hamda tarqalishini hisobga olinadi. Meva po’sti uch qismdan iborat bo’ladi: ekzokarpiy– tashqi qavat, endokarpiy–ichki qavat hamda ularning oralig’ida joylashgan mezokarpiy–o’rta qismi. Mevalarni tizimga solishda uning qanday ginetseydan hosil bo’lganligi e’tiborga olinib, apokarp va senokarp tip mevalarga ajratiladi. Senokarp mevalar o’z novbatida sinkarp, parakarp va lizokarp mevalarga ajratiladi. Apokarp meva bitta mevabargchadan hosil bo’ladi. Senokarp mevalarda ikki va undan ortiq mevabargchalar ishtirok qiladi.
Mevalarning morfologik hususiyatiga ko’ra xo’l va quruq mevalarga bo’linadi. Shuningdek ularni ochiladigan va ochilmaydigan quruq mevalarga bo’lish mumkin.
Kerakli jihoz va materiallar: lupa, ignalar, skalpel, pintset, gilos, o’rik, mosh, loviya, no’xat mevalari, bug’doy, arpa, sholi donlari, lola, g’o’za ko’sagi, rediska, eman, achambiti, kungaboqar, qoqio’t, zarang, olma, qovun, qovoq mevalari.
|
| |
