12
faoliyat mustaqil ta’lim olish va texnologik mahoratlar, mashq qilish, turli
texnologik
amallar va ijodiy loyihalarni bajarish yo‘li bilan shakllanishi
va rivojlanishi haqida
fikr yuritilgan.
Texnologik ta’limni o‘qitish jarayonini shakllantirishga nisbatan yuqorida
bayon qilingan yondashuvlarga asoslanib, tizimga solish maqsadida texnologik ta’lim
mazmunini shakllantirishning ishchi modeli takomillashtirildi.
Model talabalar texnologik loyihalash kompetensiyasini rivojlantirish maqsad
va mazmuni; metodik yondashuvlar va tamoyillar; bo‘lajak boshlang‘ich sinf
o‘qituvchilari texnologik loyihalash kompetensiyasini
rivojlantirish shakl, vosita,
texnologiya, metodikasini o‘z ichiga olgan tarkibiy tuzilmasi; nazorat va uni amalga
oshirish shartlari; texnologik mazmuni; talabalar texnologik loyihalash
kompetensiyasining rivojlanganlik natijasi bo‘lajak o‘qituvchining boshlang‘ich
sinflarda texnologiya fanining asoslarini o‘qitishga tayyorligi bo‘ladi,
bu kasbiy
mahoratlar majmui orqali amalga oshirilishi mumkin.
Bu modelda texnologiya va uni o‘qitish metodikasi fanining kirish va bu
fanning asosiy tushunchalarini o‘rganishdan boshlaymiz.
Texnologiya va uni o‘qitish metodikasi fanini o‘qitish jarayonlarida bo‘lajak
o‘qituvchilar ya’ni etuk kadrlarning shu fan yuzasidan va texnologik loyihalash
kompetensiyasiga ega bo‘lishi, zaruriy bilimlarga ega bo‘lishi va o‘z kasbiy
faoliyatida
foydalana bilishi, mehnat xavfsizligi talablari va ishlab chiqarishni nazorat
qilish hamda zamonaviy yondashuvlarni hisobga olish, o‘quv materiallarini
modellashtirish lozim.
Talabalar texnologik loyihalash kompetensiyasini
rivojlantirish mazmunini
dissertatsiya ishida qo‘yilgan talablar asosida shakllantiramiz.
Bular, quyidagilar: loyihalash asosida o‘quv jarayonini boshqarish
texnologiyalarini tizimli tashkil etish; mashg‘ulotlarni loyihalashtirish jarayonini
tashkil etishni bilish; o‘quv materiallar asosida ish rejasini tuzishi, nazorat qilish va
amalga oshirilgan
ishning natijalarini baholash; ta’lim mazmunini belgilash
tamoyillari va mezonlariga rioya etishi, o‘quv materiallarini tanlash va
tizimlashtirishga doir zamonaviy
yondashuvlarni hisobga olish, o‘quv materiallarini
modellashtirish.
Talabalar texnologik loyihalash kompetensiyasini rivojlantirish mazmunini
amalga oshirish shartlari asosida OTM o‘qituvchisi va o‘qituvchilar bilan
birgalikdagi mahsulli faoliyatda texnologik kompetensiyalarini shakllantirish asosida
boshlang‘ich sinflarda texnologiya fanini o‘qitish metodikasi bo‘yicha o‘quv-uslubiy
ta’minotda texnologik amaliy ishlarni o‘tkazish uchun
kerakli uslubiy tavsiyalar
ishlab chiqish, ta’lim jarayonida “STEAM educational model 3” dan foydalanish
hamda “Creative space” (Ijodiy makon)ni yaratish.
Model asosini bo‘lajak boshlang‘ich sinf o‘qituvchilarining zamonaviy
qobiliyatlari, me’yoriy hujjatlar hamda avval belgilangan talablarni hisobga olgan
holda shakllantirilgan bo‘lajak boshlang‘ich sinf o‘qituvchilarining texnologik
loyihalash kompetensiyasini rivojlantirish mazmuni tashkil etadi hamda bu model
asosida o‘qitish albatta ta’lim samaradorligini oshirmasdan qolmaydi.
